*請注意以下日劇真的好好笑,極力推介你不要棄劇! 對你來說,世界第一最難的戀愛是怎麼呢?是宅男追到女神?是其貌不揚的女生配上彭于晏咁既靚仔?計我話,應該係辦公室戀愛吧,俗語話,「係到食唔好係度痾」,辦公室戀愛似乎好易被人覺得係同不倫戀,玩女等劃上等號咁! 而今次大野智飾演既男主角,唔單止係社長想溝社員,仲要呢個社長性格古怪,唔識溝女,唔識同人相處,只識做生意(有成5間酒店係手),郁D就會炒人,只愛研究熱帶魚同埋幫蘑菇影相。 但偏偏波瑠飾演既,就係一個無諗過搭上社長,只係安份守己想有日開到自己旅館既小薯仔。既然係咁,點發展戀愛呀? 兩人嘅第一次見面係喺澡堂,呢位奇怪的零治社長,見到奇怪的美咲小薯仔,梗係好自然就被吸引啦,不過佢傲嬌的性格當然唔容許自己承認啦,不過佢就發覺,明明自己好容易就同人講You are fired!既,唔知點解對住佢就講極都講唔出喎! 其他宅男社長因為決定要係兩個月內追到小社員,然後帶去party比自己既死對頭北村一輝睇,於是就諗計追啦! 其實小妹一開始係為咗北村san先追呢套!(羞),點知大野智太好笑啦! 社長身邊都有兩位人兄幫佢出計嫁!就係秘書同司機啦! 社長甚至為左追到薯仔,仲出街捉咗隻狗返來,叫薯仔同佢改名呀!! 當中社長既追女過程又傻仔又好笑,而薯仔又遲鈍到發現唔到!社長為左扮偶爾出現,仲迫唔飲牛奶既自己,飲咗兩大枝牛奶呀! (牛奶討厭患者表示慘慘豬!) 當中最好笑既係,終於同薯仔發展到係男方家借宿一晚,社長想錫人又錫極都錫唔到,最後既然諗到据斷床腳扮意外,想對準位置同薯仔KISS!個場真係笑到小妹肚痛!! 警告爆笑位! 社長OS:人家就是親不下去,但又想親嘛!XD 社長仲好努力不停要試位,只係為了Kiss!!!!! 相信呢套劇女仔會比較有興趣,因為係女仔都想有個男仔用準方法去追求自己XD,而且大野智雖然唔高,但真係宅男傻仔得好緊要,笑料比分小妹會比呢套劇十粒星星爆分! 希望大家有興趣就一齊煲下笑下啦!特別係床腳個集,哈哈哈!