小妹自問唔係天生麗質既大眼妹 什至只會係出街見朋友,男友同親朋好友或者係去旅行先會執返正自己正常少少 (腐女) 平日既我返工或係屋企都係戴住大框眼鏡 (超級頹廢XP) 但經過一次返完Office Part Time,比個時既男友臨時叫左去陪佢lunch之後 我就發誓至少戴返副Con先出街~ . 話說個故事係我個日頂住副大框眼鏡返工,之後打算返屋企訓覺 點知比個時個男友叫去食lunch, 依舊係企係平時同一個位等佢 等左無耐見到係遠處行過尼既佢係到四圍望(似係搵我) 然後我行過去,個下佢係o左o 跟住講左句你「戴左眼鏡牙」 女人既雷達係話你聽佢覺得你個Look好唔掂! 之後梗係無再戴住大框眼鏡去拍拖~ . 今次係想同大家推介下我戴左Con咁耐 真係一直又買返轉頭既款~ (大家有睇過在下既Post就知我唔係寫開呢一類,一寫真係超真心推介) 個人真係比夠懶,所以都係戴1 Day款多 一尼一個月最多得個10日係戴Color Con 計返上尼同月Con條數咪一樣 同埋唔係真係用戴既日數計返一個月戴掛, 隻眼唔出事你自己都驚啦.... . 第一款:允兒,楊丞琳代言FreshLook Illuminate 星鑽 1Day (平均$10/1日) 直徑:13.8mm 含水量:69% 弧度:8.6mm 包裝:1盒30片 點擊圖片放大 星鑽啡 星鑽黑 我重係學生妹既時候已經好鍾意用既款式 佢既單色設計能夠令眼珠外圍更有輪廓 補救一般女仔雙眼無神既問題 而且放大效果剛剛好 d FD 都話近睇先覺得戴左! 呢一款一共有3隻色 一開始用Color CON既時候 我諗大家都會好似我一樣唔敢用淺色款 所以我一開始都係用星鑽啡同黑 貪佢同我地亞洲人本身眼珠色好似 效果會自然d~ 點知最近心思思買呢款既亮啡款試 Oh my God!好睇過其他兩款 因為佢既顏色又唔係太過淺個隻, 上眼之後令雙眼睇起尼溫和一d~ 所以之後我會買亮啡款, 停用黑啡一排! 第二款:晶碩光學 舞動芭蕾 1Day (平均$14/1日) 直徑:14.5mm 含水量:58% 弧度:8.5mm 包裝:1盒5片 點擊圖片放大 最近的新歡!我超喜歡它,宜家得返兩對超唔捨得用! 晶碩係台灣牌子尼嫁~ 我都係有次行街係格仔店買 (買貴左....) 後尼上網search原來有香港代理 一盒$35/5片 對於左右眼唔同度數既朋友簡直係福音 (要知道30片 1 Day一次要買double係好痛苦既事) 準備再回購! 我覺得呢款真係真心又大又自然 (不過真係要至少畫返條眼線先好用) 佢係由兩種深淺啡色組成 其實細心觀察下自己既眼珠 你會發現其實我地既眼珠外面係有一圈深色d既 呢款就係模仿到眼珠輪廓既樣 令眼睛放大又唔覺得好et禁既款 而且我覺得好薄好舒服!!!! 第三款:1 day acuvue Define Radiant Charm (平均$13/1日) 直徑:14.2mm 弧度:8.5mm 包裝:1盒30片 點擊圖片放大 Acuvue唔洗多講啦! 個個都知既Con牌子 拿!其實我不是Youtube狂播廣告個下買 我是因為韓國搵左AOA雪炫代言 睇到佢戴得好美先買 因為有用開佢透明Day Con 真係覺得呢款新Con同透明Con一樣好水潤 戴左成日都無眼乾問題,無un眼 又係一盒30片 (有點傷左右眼唔同度數既人既心) 第四款: Freshkon Color Alluring Eyes 魅力灰 1Day (平均$13/1日) 直徑:14.5mm 含水量:58% 弧度:8.6mm 包裝:1盒30片 點擊圖片放大 由阿Sa代言既Feshkon 1 Day 我係學生時代都係用同系列既1 Month款 因為想試下但又知自己唔係成日戴灰色呢D叫誇張既款 點知佢上眼似係淺dd既黑色 自然度高又有大眼feel 所以大個左都有Keep住買返1Day同一隻色尼戴 呢一款適合配上bling bling一d既眼妝用! 第五款: O-Lens Secriss Nelly Brown 1Day (平均$19/1日) 直徑:14.2mm 含水量:58% 弧度:8.6mm 包裝:1盒30片 點擊圖片放大 戴Con又點少得Kpop款呢! O-Lens呢個牌子係香港可能都係少聽一d 但係其實係韓國叫做大品牌 名氣重勁過acuvue個D嫁 因為好多韓星MV都係用呢個Brand 近期有AOA,CLC,BlackPink等等都有用 當然身為代言人既Hani都有用啦! 呢隻Secriss Nelly Brown 1 Day都係Hani代言款尼! 韓式自然款Con都係走小直徑路線(姐係14.2mm直徑) 而且呢一款係屬於無框框框死既款式 令人遠睇根本發現唔到你戴左 拿拿拿!呢d咪高招偽素顏lo 呢款好似重話係「李聖經1day款」 想要試下可以係佢地既香港代理到買 (唔係賣廣告,間店個logo係粉紅色個間) 其實Color Con已經發展到係比好多女仔當成係化妝品既一種 即使係本身無近視既朋友都戴得嫁! 戴左明顯令個人睇起尼精神d~ 之前返大學無戴眼鏡,無戴Con, 完全係返學返去訓覺個幾日 d fd都會問返我轉頭「你今日係咪有咩唔開心...」 痴線,我真係懶到咩都唔想戴啦XP 今次分享到呢樹, 記得未戴過Con既朋友一定要搵專業視光師驗清楚度數,各樣野 先好依照佢既指引去買!!!! facebook fanpage: https://www.facebook.com/pandaqqhk instagram ‘s id: aringsdairy 想聯絡我可以電郵到:aringlife@gmail.com
