今集要介紹既係沖繩巴士, (上回出處:【沖繩】真路痴也不怕! Day Tour都可以好好玩 (上)) 沖繩巴士既好處應該係集合地點極好, 係國際通行大概五分鐘就會到, 同樣地要注意 呢間係搬左office, 記住唔好去錯巴士總站哦! 今次join既係期間限定plan 期間d咩呢 根據佢個網係指所有點都係期間限定, 就睇下我去左邊啦 其實我去到沖繩之後重感冒, 所以可能無上次禁有精力影相, 但係有keep住好多既單張介紹, 希望幫到大家J 中部期間限定名勝環游路線 琉球村→御果子御殿→座喜味城址→道之驛站嘉手納→Bios之丘 係巴士站等左一陣, 發現今次有四個團友, (哈哈, 其實都叫少人) 但少有少好既, 到集合既時候唔洗等太耐, 同樣地上車前會比車票同小冊子你, 比你睇下, 第一站去到琉球村, 有d傷心係落大雨, 所以都係唔太夠影太多相驚整壞相機, 一入去發現有好多工作坊比小朋友玩, 重有浴衣租, 不過自己一個唔敢著xp, 然後等靚女導遊拎票, 又出現醒獅啦~ 戶外都有各種既工作坊 見到前面個浴衣妹妹好可愛,所以偷影人. 行左無耐, 聽到咚咚鼓聲八卦去睇發生咩事~ 原來係露天歌舞劇場, 本來以為大雨會停左, 點知比我睇到, 你睇下四周圍個個拎住遮, 表演者都重禁敬業, 認真要比個讚 鼓隊十分之合拍!! 之後拎住遮繼續行 日本人好似真係好鍾意祈福 呢度係示範返以前點整庶糖 媽呀~之後落豪雨,所以迫不得已要走去涼亭避雨, 然後買左個冰食, 其實我係見沖繩出產既芒果同大大粒既紅豆而買, 唔縮圖了, 你睇紅豆真係大得好過份, 重要超甜, 芒果真要比勁多, 亦都係勁甜, 配小丸子食堅正, 比大陸既同志望住我食xp, 應該覺得呢個痴線野10點食冰太誇張吧(笑) 之後導遊見時間尚早就改左去座喜味城跡先, 小的既影相技術唔太好, 同埋又落大雨L, 如果唔係個景係好美的, 大家可以search下, 好多人影婚紗照都會尼呢度, 你睇有對台灣新人呢~ 其實行左上去一樣可以見到中部遠處既景色, 同埋覺得空氣好清新, 多走走也很好哦! 跟住到最期待既午餐, 登登登登, 我期待到拎埋我最寶貝既即影即有打算影 御果子御殿 讀谷總店 點知裝修外圍地方, …… 好想喊, 希望大家去既時候見到佢真身啦! ↓ 取自沖繩巴士官網, 跟住去食lunch啦, 團費包左一個套餐, 大概係11000yen, 我唔太記得了, 上枱後幾驚喜wo… 有飯同沖繩出名既排骨麵, 重有醋味冷拌小食, 痴線好好味, 係個d地道味, 排骨好到味, 唔痴牙(好怕係街痴牙個感覺XP) 之後係購物時間, 睇到我媽鐘意食既紫薯批係點整, 當然買左幾盒比媽媽;) 食完飯放左我地去一D靜態活動, 就係遠望空軍基地, 據單張所講, 可以從屋頂上的觀景台可以將嘉手納空軍基地一覽無遺 如果運氣好的話,可以睇到F15及F22戰鬥機、空中加油機等的出發及降落。 可惜睇唔到… 去左博物館睇下越戰時既軍機模型算了 然後到最後一站BIOS之丘 超興奮, 係睇花既地方, 我好鍾意睇植物的 (每年去維園花展個d年人) 一樣係比左票你, 導遊帶你到遊覽船後, 話埋集合時間你知, 之後返車等你 上左船發現有好多香港家庭 一開始唔知咩尼… 點擊圖片放大 園裡既職員採花整盆栽 船上既工作人員再駛返去頭先個座屋仔, 原來多左個歌姬玩好似細個音樂堂玩個D拍拍板, 再跳埋舞你睇… 之後船上既職員又駛到一處停落尼, 叫乘客上前睇, 人太多,所以無上前, 好多小朋友都好好奇禁眼定定望住 落船後自由活動時間 呢樹勁香( . 0 0. ) 有好多比小朋友玩既木設施, 等食既羊仔 可以比幾十蚊買蘿蔔喂下佢地嫁, 小朋友應該會開心, 因為香港好少可以禁近距離睇小動物 睇完兩集既觀眾, 大概知道兩間公司既分別吧! 我個人喜歡那霸巴士公司既, 因為佢每樣既參觀時間會長一D, 但係沖繩巴士包午餐可以令你食到地道野, 去既地方真係可以令你個人更平靜落尼, 非常合適平時係香港鍾意行山既你, 總括尼講, 300幾蚊一日既效區在地遊係大家不錯既選擇哦~ 然後都係慢慢睇花, 點知手機鬧鐘響起, 提示我要集合-______-, 重想留多陣, 但又明知自己會因為個園太大搵唔到出口, 好彩見到團友情侶, 然後大家一起行(笑)