「衝動」係好多人形容90後既形容詞。 我不得不承認去年既我特別衝動, 係感情上好多問題唔識解決, 然後因為唔想自己唔開心禁過, 所以上年十月頭買左機票(個時重係YEAR 4), 背住大背囊, 一個人獨遊沖繩。 就好似「自由飛翔」既歌詞同MV一樣, 沖繩既風景令我放低左一切既唔開心, 好好禁去左三日, 然後返尼重新出發。 今次主要係講沖繩一人遊好去處,希望幫到第一次去既朋友。 三日既行程如下: 第一日:1.寄明信片 2.首里城公園 3.國際通 第二日:1.Day Tour 沖繩美麗之海水族館→今歸仁城跡→WARUMI大橋(不下車)→古宇利島大橋 →那霸巴士總站 第三日:1. 波上宮, 波之上海灘 2. 泊港魚市場 Day 1 因為我係搭港航朝早最早個班機,所以去到那霸機場時當地十一點, 入境拎埋行李大概已經十一點半,之後搭單軌列車去民宿。 因為我去三日兩夜,所以買左兩日單軌列車任搭票, 車票清楚寫明有效期,因為細細張所要小心放好呀! 第一日出城既大鄉里見到列車係人手操作,企左係司機後面睇, 而且禁樣由窗望出去, 真係好有日本漫畫裡面出現既feel! 我住既民宿係旭橋站, 距離國際通大概五分鐘路程, 安靜得尼又十分方便, 你睇民宿外觀幾唔錯, 我講埋價錢再比你睇埋房間, 一定會尖叫~ 宿主佈置得好有家既feel~ 我始終都唔太慣同人share房同廁所, 所以簡左單人連獨立廁所既房, 一開門完全係驚喜, 他他米令到間房空間變大, 而且去日本緊係想試下返他他米嫁啦! 同你講埋係差唔多250蚊一晚, 有無覺得抵到爛呢!!!! 放低行李就去左食野, 去左返民宿個時見到既一間靚café, 叫oHacorte (原址已搬) 甜品控既我入到去即痴線, 點擊圖片放大 +2 呢間野係日本原來都好出名, 我去度叫完之後狂影相, 都見到陸陸續續有好oL,西裝先生,貴婦take away, 而且餐廳重有賣果jam同茶葉, 喜歡田園風既朋友可以留意! 呢個係我叫的 點擊圖片放大 鮮奶咖啡配雜果撻, 一邊食一邊寫明信片, 很假文青, 禁就坐左一個鐘. 之後行左去郵局寄明信片, 果然不出我所料, 係要用手語溝通><, 因為我自己整明信片, 而日本係唔比就禁寄d奇形怪狀既明信片, 所以要買信封再放明信片落去. 鐘意寄明信片既朋友要注意呀!!! 結果因為寄太多張XP, 我又係郵局寫左成個鐘. 之後出發去首里城lu! 如果對時間好著緊既朋友, 不妨可以download單軌列車時間表, 因為有時係非繁忙時段真係可能十分鐘先有一班車. 首里城係單軌列車首里站行大概十五分鐘就會去到, 沿途有中文指示牌, 所以唔洗太擔心迷路, (其實我都係剛好見到前面有兩個泡菜國既男仕之後跟人行) 點擊圖片放大 +3 ↑見到呢個牌的話, 我恭喜你, 你重有一段路要行!!!! 不過…完全地確定你無走錯路呀J 因為佢算係最出個入口既, 係呢度你會見到呢塊告示牌, 因為我唔想再好似死變態禁跟住泡菜男s, 所以要影低地圖自己行. (信我google地圖係首里城範圍係無用) 途中既風景真係唔錯, 首先會見到久慶門 之後會愈行愈斜, 所以最好著波鞋啦! 然後會見到呢座很古蹟的東西, (其實我當係記號,點知有個陸客企係我隔離跟住影…) 嘩!之後我見到一大批鴨仔團 由我上網搵資料既城門上尼, 之後衝左去影xp, 其實我個人係好鐘意睇d古典建築,歷史文物, 所以如果你無咩興趣知道日本歷史, 影完呢度門,打埋卡, 真係可以走嫁啦! 唔洗曬錢去城內睇, (高考讀過日本史既人係痴痴地嫁啦!) 繼續行呀行,行左好多級! 上到尼啦!! 好靚呀,一次飽覽山下既風景(又企左五分鐘), 之後買票進城! (百痴人後尼先知可以用學生價買…) 都幾多人係城門外拍完照就走, 有香港人叫我幫手影xp, 我有d cheap禁扮台灣人講國語幫佢地影, 之後再等佢講謝謝個下, 講唔洗客氣XP 登! 登! 登! 登!幾經辛苦見到真身啦! 太美了! 古典既皇宮味道! 之後走左去右邊博物館睇返有關琉球王國時代既歷史, 裡面因為唔比著鞋,有一大部分唔比影相 所以都好安靜下。 之後行另一方向落返山, 中途都有唔少值得停落尼既點 呢座美女橋,行完有無覺得靚左~ 之後見到藝術大學。 點解我眼中既醒獅爺好似訓緊覺禁既… 去完首里城返返去國際通, 個時已經七點幾天黑, 首先係去驚安幫屋企人買藥, 之後因為想搵間係小巷既鰻魚飯店, 點知執左, 然後狂買甜品化悲憤為食糧xp, 估下係咩? 當然係沖繩盛產既紫薯! 之後因為太好食, 又去左朝早個間café再買人地賣剩既蛋糕食(得返幾件) 外賣個盒仔勁可愛, 我最後拎左返香港~ 好啦!第一日其實唔玩得太夜, 因為第二朝6點幾要起身去一整日既Day Tour。 期待Day2 既行程嗎? 下回分解!