睇左幾日風景, 只在cradle mountain見過小袋鼠(還有在路邊被車死那些...) 今日喺離Hobort不遠的Bonorong Park可以同佢地玩返夠本! Bonorong Wildlife旨在營救和醫治被遗棄和受傷的野生動物 當這些動物復原有能力照顧自己後便會回歸大自然 我好欣賞這個理念....畢竟這些小動物都應該生活在大自然的 Bonorong Wildlife Sanctuary每天9am-5pm營業 成人的門票要AUD25一位...都幾貴... Website話門票包左一包袋鼠飼料, 其實公園內四處都放了飼料 可以隨意拿來餵袋鼠 (小心駝鳥會搶食!!) http://bonorong.com.au 一入公園先會見到負責迎賓的孔雀 佢見到我地靚過佢重特登開屏俾我地睇 (唔知點解我會諗起倪震...) 可惜拍不到正面.... 公園內四處都是袋鼠...有些大袋鼠真是超巨型 佢地見你拿著飼料就會從四方八面湧過來 d大袋鼠會同手同腳地慢慢爬過來...望落去都幾得人驚... 我只敢餵細細隻的袋鼠..佢地個樣傻更更好可愛啊 玩完袋鼠去睇澳洲的國寶---樹熊 樹熊每日要瞓17-20個鐘, 你睇佢個樣頭耷耷好眼訓呢 佢扭眼訓扭左好耐又唔肯食野 最後成功地氹到護理員送佢番入屋...好搞笑 另一重頭戲當然是tasmania獨有的tasmania devil 咪睇佢肥嘟嘟成隻狗仔咁, 叫得做Devil當然是名不虛傳 佢地非常凶猛而且具侵略性 護理員示範餵食小雞一隻 Tasmania Devil不消一分鐘就連毛帶骨成隻消滅了...好可怕.... 雖然佢地咁凶猛但因為一種腫瘤疾病令tasmania devil數目大減瀕臨絕種 成個公園我最喜歡就係wombat!又肥有得意而且性格溫馴 護理員話佢地防禦靠個patpat...所以個patpat又大又硬 (有軟骨組成) 下次笑人大patpat可以話佢似wombat!! LOL ********************************************** 塔斯曼尼亞的日與夜 行程 4D蠔情 Cradle Mountain藍寶石般的Dove Lake 住宿 比過山車更刺激的Tasman Island Cruises Bonorong Wildlife Sanctuary餵袋鼠 Curringa Farm Tour牧羊體驗 Mt Field National Park 吃閉門羹的Wineglass Bay及怪談Port Arthur Ghost Tour 在悉尼過新年 住宿Meriton Serviced Apartment 氹氹轉歌劇院 大魚大肉過肥年
