一 痴車 落咗機入咗境,就要搭taxi出市區。因為我得一個人,唔想咁唔抵,所以就周圍搵人一齊搭。點知個個都話會有車接佢地。見到我得一個女仔又話好勇敢乜乜乜。好好彩問到個珠海嘅大叔,有車接佢,但佢可以幫我問下個司機可唔可以順便車埋我。個司機又肯,仲話唔收錢。上到車,個司機又話要收500,不過最尾不了了之。就咁樣,我免費痴車坐到大叔嘅酒店,再自己行返去hostel。我開住offline 嘅尼泊爾地圖,行十分鐘左右。朝早落完雨,塊地好爛,不過感覺好舒服,一d驚或緊張都冇。 二 肚痛 Hostel 冇得煲水,我帶咗薯伯伯介紹嘅消毒水樽,裝咗水喉水飲。勁大陣金屬味!不過我出名腸胃好,又唔想買水,照飲。好理所當然地肚屙。尼泊爾人去廁所唔洗紙巾,而我去廁所果陣臨急臨忙又冇帶,所以呢,詳情就唔多講了。 在尼泊爾第一日的晚餐,又大份睇落又唔開胃。