哇！泰國化妝品得唔得噶? 身邊好多人都咁問。其實係5,6年前我都開始試用泰國Mistine化妝品牌。我個人認為泰國係一個佛教國家，所以大部分人都係有良心咁做生意嘅，壞都唔壞得去邊，而且曼谷宜家都好先進好發達，所以怕咩姐。其實哩幾年我都見到香港陸陸續續有好多泰國化妝品代購，不過品牌種類唔太多。都係賣 Mistine , Ele, Snail White, pasjel ... 其實泰國真係有好多好多local牌子嘅化妝護膚品，全部都好平，有好多都好正，甚至乎效果好過啲外國大牌子嘅~不過要試晒真系要多十塊面，十個身，十個頭都可能唔夠。 今次好random咁買左啲新野試(係我未用過嘅叫新)，發現有幾樣野好好用，值得推薦。 Beauty Cottage 我諗好多人都唔陌生嘅。係好多大型Shopping Mall 都有佢哋嘅分店。今次推薦係哩支No.17 Victory Realistic 嘅Semi Matt 唇膏，我平時真系唔多搽有色唇膏，不過佢哩隻色真係好靚，唔係Barbie pink，系類似干咗嘅粉紅色玫瑰，偏淺豆沙紅 。最重要係佢無我最唔中意嗰隻唇膏臘味，價錢都非常親民! (ard 300baht) 我覺得冬天可以化個濃少少嘅smoky 眼妝，再加埋哩隻色嘅唇膏咁就perfect啦! (買嗰時個腦都不停幻想) 第二樣值得推薦嘅，係佢哩個系列嘅洗頭水。係人都知泰國基本上全年都又熱又濕，行幾步都流晒汗。我第一日就買咗哩支Shampoo黎試試，洗完第一個感覺係啲頭髮好彈同好香，跟住行咗成日街，流咗一身汗，我個頭翻到酒店居然仲係好爽,動L,同埋頭頂無塌到扁曬。佢仲要賣緊120幾 baht，30幾蚊港紙。真系又平又正! 今次去曼谷都有去Big C 樓下嗰個Mistine 嘅專櫃，都系去補貨同埋睇下有咩新野。 Mistine 都唔洗多介紹啦。香港都有好多地方有賣佢哩隻王牌粉底。佢真系好適合香港夏天嗰時用，因為佢啲粉底係超級防水，同埋有高遮瑕度嘅。 跟住哩個係抽獎抽翻黎嘅。事關Mistine做緊promotion 買滿800baht就可以即時抽翻佢地啲product 又意外發現好野。哩個brush & bronzer 好上色，又攜帶方便，原價都係150幾baht! 跟住最後推薦嘅係BSC Cosmetology 。哩個牌子應該係香港唔多人認識甚至乎冇聽過添。 佢主打嘅product就係粉餅 ，分咗三種 superfine, C Cover 同 Extra Cover。 要視乎個人需要，而我今次就買咗Extra Cover 黎試試，大約400幾baht。真系好防水、貼面，遮瑕度都好高。其實BSC 仲有好多product 個sales話值得試試, 不過都係留翻下次先再研究啦~
