今次喺第一次去中國既山區學校，因為根本無公交車可以到達所以由學校校長親自開車帶我地上山去學校，到達學校比我既感覺喺無想像中咁差，不過都比廣東省既山區學校差好多，衛生環境喺最大既問題。 位於四川省涼山州昭覺縣既（瑪增依烏中心校），一間全部學生都係彝族既小學，彝族係中國大陸其中一個少數民族，已知呢個民族既人係一世人只沖涼三次，而且買番黎既衫從來唔會洗直到爛到著唔到就丟，所以可以想像到衛生會係一個大問題。 呢個操場已經係學校內僅有既娛樂設施 點擊圖片放大 呢間小學總共有三百多人，學前班已經有121人，其他1-6年班只喺得幾十人一班。我地第一日到達只喺先參觀一下學校同埋準備定之後要同D小朋友玩同埋學習既野。 D手工紙準備教小朋友自己畫同埋學拼音。 話甘快就到左下午午飯時間，所有同學都要幫手開飯，1-6年班既要幫手去飯堂攞餐具同食物到自己班房，學前班就好少少有老師喺班房派飯不過都要同學仔自己出黎一個傳一個，所有同學食完都要自己去洗餐具，洗完就有專人檢查喺咪合格。 廚房已經準備好所有食物等學生自己黎攞番去班房分派 男同學幫手，真係好重，要四個人搬 女同學一樣要做，無分彼此 學前班就好D唔使學生去廚房攞飯不過一樣要係班房幫手分飯 開飯啦，得15分鐘食，要拿拿聲喇 好多小朋友都唔鐘意食菜，比我發現你唔食菜仲要偷偷撥去人地個碟度XD 因為學前班有121人，平時上堂已經好迫，所以食飯時有D同學仔就直頭離開班房自己搵地方食飯 食完飯要幫手收拾餐具啦 大佬，個盤會唔會太過大啊，我睇見都覺得辛苦 自己的事自己做，食完就要自己洗餐具 咪以為自己洗就可以求求其，都要過得到最後監督人員果關先得，有污漬！再洗過XDDD 午飯后1-6年班喺要繼續上堂直至夜晚8點，只有學前班喺午飯后就可以放學不過彝族既小朋友喺無家長會黎接放學既，就由得一個6歲以下既小朋友自己翻幾個山頭返屋企。喺香港就算五六年班都仲有D家長會接送，實在保護意識太過分。 企定定守住門口等放學 點擊圖片放大 +2 拜拜咯，辛苦啦要翻幾個山頭先可以番屋企 呢位同學仔你會唔會過分地HIGH吖 同我地以前讀書一樣，一放學就馬上去就近既士多買零食 因為第一日未同D老師學生熟落所以由第二日先開始同D學生正式上堂同玩遊戲，咁多日除左五年級學生基本上全部不同年級都上過堂，教英文教數學同語文....... 學前班人數真係壯觀，121人迫係咁細個班房 上堂啦，打開課本第八頁 要多D同D同學仔互動，答問題要舉手吖 唔好過分地HIGH，要安靜啊。 無錯喇，提下隔離同學仔要安靜吖XDDD 邊個仲講野就會被罰！！ 殺一儆百！！！罰企！！ 即時好專心XDDD 每次上堂都會有其他班既同學仔黎八卦，好似都好得閑咁 黎張大合照啦 由第二日開始其他班既同學仔知道有外地人黎左，大家都同老師講想邀請呢個無啦啦走黎山區學校既香港人一齊上堂或者一齊玩，所以之後每日既堂就好FULL喇。 其中一日就上左7堂仲未計放學后陪玩XDDD 除左同D學生上堂，仲會同D學生玩下交流下兩地不同既遊戲XDDDD 音樂傳球，最適合低年級玩 點擊圖片放大 輸左要出黎跳舞，你兩個跳得好HIGH咁啵-_-" 旁觀者都好投入打氣 高年級就去戶外操場玩啦，男仔都係鐘意跑跑跳跳 點擊圖片放大 +2 女生就玩下拋波，10個人搶9個波 原來連男同學都鐘意玩，一齊加入玩到天黑都唔願意走 山區呢度係唔會有小餐館，一日三餐都唔使諗住可以去買野食，老師自己既午飯同晚餐都係自己煮，而校長好好人每餐都預埋我地，餐餐都好豐富添。 其中一晚仲係學校後山BBQ-_-" 留係呢間山區學校只係5日，因為週末所有學生都返屋企老師又走埋，所以都迫住要落山。 雖然只係短短5日，唔可以話完全體驗到山區小朋友既生活，但起碼體驗到日日無得沖涼既日子，衛生環境的確係好差，不過呢度已經比起我想象中算好。 所有老師包括校長都好好人，不過唯一頂唔住既係晚晚食飯都要飲酒，我地香港人飲酒就睇你飲幾多枝，呢度D人就按箱計，睇你飲到幾多箱-_-" 最後一日要離開學校好多同學仔都黎問我地仲會唔會黎，其實我地係好想再留多幾個星期，不過因為校長下個星期無時間車我地上山，我地無辦法自己上山所以只能希望再之後一個星期校長可以帶我地上山啦，真心希望可以再見到班咁天真無邪既同學仔。
