仲有8日就要出發去流浪 一個無特定路線既旅程 一個無時限既旅程 一個無目的既旅程 一個有少量金錢限額既旅程~~~ 以往每次去旅行無倫長途短途都無諗任何野 只係預早見到平機票就買 或突然想出發就買火車飛就走 事先唔使點樣安排 去到先搵地方住 試過couchsurfing住當地人家 住過住hostel 行程總係去到先慢慢諗 每晚再諗第二日去邊玩/行/節目 今次雖然都無提前安排太多 但日子愈迫近反而每日諗有無野要買要準備 諗下家中老人家會唔會有問題 諗下有無費用要交而未交 好似好多野 但實際上又好似無乜...... 好似得左焦慮症咁 最近兩個月最近就係日日睇書 睇下各國唔同地方既書 希望睇下有無d乜野地方吸引我一定去 西藏其實可以話必去, 呢d地方而家唔去過多幾年真係變到唔知似乜 其次最想去就係一堆中東戰亂國家 朋友一聽到我話要去阿富汗 syria呢d地方 第一句就問我係咪去死 好似我準備去當兵咁 其實人地洪生既烽火大地都係咁去啦 我相信有人既地方就可以去 愈落反愈戰亂愈窮既國家愈應該要去 身處幸福環境既我們 要去到當地先可以真正體驗果種『窮』同『無奈』
