仲有10日就走喇, 真係差唔多隔日就食餐farewell飯 今次算係雙重farewell, 一方面公司同事farewell我離港, 一方面farewell我離開公司 一間工作左10年既公司 n個月前(未知道要去流浪)同事已經話想約埋一齊去呢間德國餐廳食飯 諗住咁大名氣點都要去試試 去到緊係要點番個德國豬手試試, 早前同朋友已經試過呢隻巨豬手 皮超級脆又夠香口, 點埋d芥末直頭食到唔停得口 最近仲做緊優惠, 晚餐set dinner加50蚊就有豬手可以揀 一個set有頭盤 + 主菜 + 飲品同甜品只係hkd 240 主菜改豬手只係+50即係hkd 290就有 叫第2個餐仲有得平 只要hkd 220添 另外必食既就係德國腸拼盤, 有分大小份量 我地咁多人緊係要大份啦 份量已經夠哂大份 多款唔同腸仔選擇 食食下仲有位姐姐黎問要唔要申請會員卡 (其實本身就係想問朋友借會品卡黎食, 點知張卡岩岩過左期) 話說呢張會員卡年費hkd 980, 好似好貴咁但係即申請就有400現金卷可以即用 即時張單仲有85折, 之後任何時間都有85折, happy hour都不例外!!! 仲有一堆優惠卷比你慢慢用 點計都唔會蝕 除非一年去唔到2,3次啦 點擊圖片放大 +2
