很多人都試過不同的原因唔梳頭,小編試過成個星期都趕住出門,隨手扎一條All Back馬尾就出門。趕到趕命,都係因為我地有個英明、盡責、英俊瀟灑、玉樹臨風的老總,8點半準時坐定定係office,叫小編點敢遲到。老細,我唔係投訴呀,我讚緊你,年尾個appraisal求你俾好D我,咩~ 聽講大文豪,唔係周街廣告嗰位,而係蘇東坡,每天梳頭一百下做養生; 毛主席好似都係。點解唔梳頭個習慣會令人短命,即係加速衰老呢?因為唔梳頭會減少對皮膚的刺激,令頭髮新陳代謝停滯,身體循環不好,自然老得快,頭髮脫得快。 咁梳頭有什麼好處呢? 打通全身脈絡 聽個名就好似武俠小說,但中醫認為人體頭部有「百會穴」,即係十二經脈和奇經八脈,唔明唔緊要,最重要是多梳頭就可以多按摩頭部,令到各經絡氣血通暢,促進身體各部位都暢通,醒目清心,就自然瞓得好,面色紅潤,毛髮有光澤,雙目有神,整個人都精神充沛。 梳頭促進血液循環 因為頭部穴位多,而現代研究亦表明,頭是五官和中樞神經所在,梳頭時的溫和刺激,通過神經的反射作用,可以促進頭部血液循環,加快細胞的陳新陳代謝,令頭髮可以更容易吸收營養和氧氣,吸得多,頭髮自然烏黑亮澤,可能對成日染頭髮的人來講,要用多少少染髮劑啦。 梳頭減慢腦退化 梳頭時產生的靜電其實都有個好處,因為可以使頭部神經鬆弛,消除大腦疲勞,令人思想敏捷,從而減慢大腦衰老,堅持梳頭更能對預防感冒、高血壓、腦腦中風、腦退化等有大大好處。 消除頭痛 臨床實驗證實,梳頭對神經性頭痛、偏頭痛、三叉神經痛、高血壓頭痛,神經衰弱頭痛 等效果良好。 早晚梳頭 用以用牛角梳梳頭,由前向後,再由後向前輕輕梳幾次,不要太大力,太大力反而會傷頭皮。 食療養頭髮 黑芝麻,因含有豐富維他命E,經常食用可以使頭髮烏黑亮澤,補血通便,排毒美顏。 天然洗頭水 茶籽粉,可使頭髮亮澤柔軟,去頭皮,止頭痕和減少脫髮。 小編由今日起每天梳頭,仲有幫埋身邊大爺梳! ------------------------------------------------------------- 資料來源: 以上資料只供參考,詳情請向您的醫生查詢; 本公司保留一切更改或刪改此單張之權利,而不作另行通知。 資料來源: 《讓女人年輕10年的45個好習慣-養生・養顏》 作者: 楊明霞醫師 出版社: 香港皇冠出版社 設計: Ownmay Ltd 九型體質測試:https://ownmay.com/app/qnr/ Ownmay Website: https://www.ownmay.com Ownmay Blog: https://www.ownmay.com/blog Facebook: https://www.facebook.com/ownmay.hk/ Instagram: https://www.instagram.com/?hl=en