4/9/13 雨 每年九月都會推介電台節目時段. 今年同上年的感受其實差不多,聽的節目不多,尤其週末. 不過,雖然時隔已久,但都要簡單講下雲海事件. 其實睇完佢篇表述,我覺得成件事都無乜問題,佢到底邊度有做錯. 只不過新浪微博與商台曾經有商業合作關係,所以商台唔敢講佢壞話要cut走聲帶啫. 另外,連cctvb都唔敢播新聞透視「碼頭風雲」,商台怕李嘉誠李澤鉅,一啲都唔出奇. 但是,我們失望的,不單止是商台,而且是裡頭的高層. 可能人在江湖身不由己,但做法可以得體好睇啲掛...駛唔駛發爛渣呀Donald?... 當奴本來是我第二位最喜愛的電台主持,不過,現在,我要重新評價佢呢個人. 其實不單止我,相信好多人,都同時係雲海和當奴的fans.事實上,佢地前年都合作搞過舞台劇,兩人亦志同道合,留意科幻迷信事情. 大家都認定佢地好夾,以前聽當奴錄廣播劇都會搵雲海,真係好好笑. 依家,雲海單方面宣布與當奴翻面絕交.不少人都感到極度可惜. 甚至大家都難以接受這個事實,因為誰都估唔到干預編輯自由的幕後黑手是當奴. 我曾經諗過,到底應否繼續聽當奴,不過,依家聽903的節目已經好少,好難連艾粒都唔聽. 依家要我評價當奴.我會話,佢做節目好好聽,廣播劇超級好笑.不過,節目以外的他,我就no comment了. 本來十月會有艾粒和雲海合作的show,在雲海辭演下,我倒想知道商台會如何解決. 事件發生過後,都預計到全個叱吒903,都無人夠膽提及此事. 真係無懼壓力,on air發聲的,在我所了解,只有森美在早霸王講過.(另外,都聽過灘叔搞gag,揶揄雲海過檔新城開咪.) 森美讀新聞系出身,佢認為,此事件,並非言論自由的打壓,只是商業利益上的考慮.但雲海嚴肅看待事件,也並不過份. 其實我都幾認同森美的說法.不過,如果真係如商台聲明所講,雲海在節目中作「私人投訴」,咁好多節目的phone in環節都唔需要再做了,包括萬世巨星的「鬧爆你」. 更諷刺是,今年年頭,1872遊花園各個主持,都因為奇怪和荒謬的遭遇,試過在節目中聯絡雲海,請教投訴方法. 到底咩係出得街的投訴.咩係唔出得街的投訴呢?...真係好想知. 為表抗議,好多人都表明,不會收聽原定節目時段的新節目,我諗失去雲海這個大人物,商台的形象急跌,都玩完了. 另外,補回一張上次去香港電台參觀的相片. 由區家麟及李麗娟主持,香港電台第一台,逢星期六晚,2220-0000,七百萬人的先鋒 (第二輯). 參觀當日的受訪嘉賓是陳祖澤.節目中會有我同班同學參與訪問,有興趣可按以下連結收聽. http://programme.rthk.hk/channel/radio/programme.php?name=radio1/pioneer2&d=2013-08-24&p=5937&e=229825&m=episode 週二,三,五 0730-1000 雷霆881 在晴朗的一天出發 李慧玲,郭志仁 (因應討論題目轉聽: 叱吒903 在晴朗的一天出發 林海峰,阮子健,潘小濤) 1000-1200 叱吒903 早霸王 森美,小儀 1200-1300 港台二台 瘋show快活人 貴花田,曾志豪,梁榮忠 1400-1600 叱吒903 口水多過浪花 鄭裕玲,占,Donald (間中收聽: 1800-1840 叱吒903 今日正 梁文禮,麻利亞) 2300-0200 叱吒903 一八七二遊花園 余迪偉,鄒凱光,林二汶 週一,四 0730-1000 雷霆881 在晴朗的一天出發 李慧玲,郭志仁 (因應討論題目轉聽: 叱吒903 在晴朗的一天出發 林海峰,阮子健,潘小濤) 1000-1200 叱吒903 早霸王 森美,小儀 1200-1300 港台二台 瘋show快活人 貴花田,曾志豪,梁榮忠 1400-1600 叱吒903 口水多過浪花 鄭裕玲,占,Donald 1700-1800, 1835-2000 自由風自由PHONE 區家麟 (間中收聽: 1800-1840 叱吒903 今日正 梁文禮,麻利亞) 2300-0200 叱吒903 一八七二遊花園 余迪偉,鄒凱光,林二汶 週六 0800-1000 雷霆881 政經星期六 陳淑薇,羅輝 週日 0800-1000 雷霆881 政好星期天 陳淑薇,羅輝,嘉賓主持 2100-2300,2330-0000 港台二台 2000靚歌再重聚 歐瑞強 2300-2330 叱吒903 短期租約 Wasabi 「摩星嶺四號」結局事件簿 part 1 撰文:雲海 http://wanhoi.mysinablog.com/index.php?op=ViewArticle&articleId=4173505 「摩星嶺四號」結局事件簿 part 2 撰文:雲海 http://wanhoi.mysinablog.com/index.php?op=ViewArticle&articleId=4173740 「摩星嶺四號」結局事件簿 part 3 （end） 撰文:雲海 http://wanhoi.mysinablog.com/index.php?op=ViewArticle&articleId=4176717 雲海劈炮 商台覆刪剪理由：「主持節目中作私人投訴」 http://hk.apple.nextmedia.com/enews/realtime/20130610/51470738 商台干預編輯自由？雲海突向商台請辭 http://hk.apple.nextmedia.com/enews/realtime/20130610/51470646 隔牆有耳：六四節目遭商台河蟹 雲海封咪插志雲 http://hk.apple.nextmedia.com/news/art/20130611/18293244 雲海揭商台河蟹黑手 http://hk.apple.nextmedia.com/entertainment/art/20130625/18310829
