繼續春雨綿綿,大概係尋日沾左雨水,開始有啲作病,加上劇烈頭痛,胃口真係麻麻。話說尋晚係九龍站個商場睇完戲,係戲院對面嘅迴轉壽司專門店升級版食晚飯,完然一路飽到今日。 曾幾何時都好鍾意去哩間連鎖迴轉壽司店食野,一來工作關係,係金鐘一落樓就有一間,約朋友食晏、食晚飯都會去個度,二來的確覺得佢嘅野好食,三來當然係因為佢行會員制,想KEEP住個所謂嘅會籍,就得經常幫襯。 迴轉壽司店本來應該係以平價見稱,不過哩間連鎖店整整下變左走高檔路線,後來仲打正旗號開多個分支係專食高價野嘅添。 尋晚係圓方嘅千兩晚飯 其實周六晚係大商場,等左半個鐘有得食都算快 點擊圖片放大 +5 尋晚睇完戲都成8點幾,居然只係等半個鐘就有得食,我地坐order檯,所以都係剔紙落單,唔覺唔覺原來都叫左幾多,加上開始作感冒,食食下已經唔想食,突然諗返1月台北時遇到類似嘅經歷。 台灣曾被日本統治,所以生活/飲食都好受日本文化影響,從而亦令台灣有好多高質素嘅日式餐廳,好多遊客會到嘅上引水產,天母士東市場嘅阿吉師,又或西湖市場嘅小立吞,統統都係又平又抵食嘅壽司店,不過哩幾間都有個限制,就係要一早去,同埋要預時間排隊,哩啲之前都食過,唔想花時間係排隊上,所以以1月份訪台時就揀左間可網上預約嘅迴轉壽司店試下。 台北朋友話哩間都算係人氣食店,佢地都好經常幫襯,最方便係佢可用手機app(台灣壽司郎)就可預約指定分店同時段,省卻排隊時間,對於分秒必爭嘅遊客都算係一個賣點。 最初仲諗住要過去台北站(旗艦店)先有得食,後尾發現西門站附近已有分店(台北中華店,中華路一段41號),簡直天助我也,係旅館行五分鐘就到,再唔係,係西門地下街6號出口一出就係,相當便捷。 於西門地下街6號出口一出就係 台灣人嘅食晏時間一般係中午十二點,我地係星期一嘅中午十二點半到店,目測都唔算多人,即使唔預約應該都唔使點排隊等位。可以隨意係迴轉帶拎想食嘅,亦可用平板直接落單,減少誤會/出錯嘅機會,假如有小朋友應該會更加開心,因為食物係用"飛船" 送到眼前,小朋友該會食慾大增吧!收費相當經濟,正因有如此,個日係有點眼闊肚窄叫多左嘅,加上有人開始作病,影響食量,最後係食到反肚咁滯離開嘅。 食物會直接送到座前,賣單亦只需拎哩個牌出收銀處付款即可 好似自修室嘅簡隔,可安靜用餐 用平板落單 食物會坐飛船到達 亦可直接在迴轉帶上取喜歡的 點擊圖片放大 收費相宜 雖則說高峰期用餐時間限60分鐘,但最後我們並沒有被要求按時離開,只要避開繁忙時間,就可慢慢享用美食,又唔使花時間排隊輪候,不是更好嗎?