舊年聖誕時食過唔錯嘅梳夫厘班戟 話說自從係日本食過美味梳夫厘班戟,有人迷上左哩種日式班戟。又話說舊年聖誕節時係九龍站大商場戲院隔離間餐廳食過,覺得都唔錯,於是今日咁啱出去睇戲,本來諗住食過番尋味,點知,去到戲院門口,附近都圍哂板,依,無左嘅,於是又上開飯app 搵下,噢,結業了。 知道戲院啱啱轉左手,但諗住餐廳整體食物唔錯,戲院轉手該唔關事掛,點估到會無端端無左嘅姐。 香港嘅飲食文化確實係奇怪,食店嘅生存空間,取決唔係在於食物質素,而係在於你資金有幾雄厚,早前同幾個朋友傾計,大家一至認同個間什麼生煎包專門店嘅野食其差,但又成日大排長龍,哩啲食物質素唔錯嘅,又轉個頭唔見左。更甚者係個啲老店,因為借金飆升而被迫結業,真係千奇百趣。 舊年係The Pantry食過嘅Pancake 舊年係The Pantry食過嘅牛扒 舊年係 The Pantry食過嘅意粉 舊年係The Pantry 食嘅Pizza 舊年係 The Pantry食嘅Salad 當日係Boxing day,約左2個朋友嚟食晏,牛扒,意粉,沙律同薄餅,味道都相當唔錯,本來仲諗住約埋一齊再食,點知事兩個月就成絕唱啦,點解會咁架。