上一篇:尋找之旅 - 埃及行程篇 最愛搭凌晨機,可在航班上看日出 今次跟永安旅遊去埃及,第一次坐土耳其航空嘅航班,去程2305由香港出發,機程約12小時,先到土耳其伊斯坦堡,中轉停留1小時多啲,然後再搭多兩個多小時到埃及首都開羅。回程2125在開羅登機回到伊斯坦堡(2小時航班),中轉同樣1小時多啲,跟住就再搭多10個鐘返香港。 第一次搭土耳其航空公司嘅客機,都有好多有趣嘅第一次: 1)安全指示短片,佢地以Lego 形態嘅Super Hero拍成卡通短片,平日睇到厭睇到悶嘅安全指引頓時變得有趣; Lego人物作安全示範,超搞笑 2)感覺很注重平等,平時嘅機長廣播,一般只會聽到Ladies and Gentlemen,而土耳其航空嘅航班係會話Ladies, gentlemen and children ,小朋友唔係附屬品,而係真正備受尊重嘅乘客; 3)印象中係第一次係航班上見到手語片段,雖然只係以手語短短幾句,提醒假如有需要嘅乘客可向艙務員查詢,起碼証明聽障朋友也被關顧; 有手語短片提醒聽障朋友如有需要可向機艙服務員查詢 4)不鏽鋼餐具,香港來回伊斯坦堡嘅航機有兩餐膳食,而伊斯坦堡來回開羅都有一餐,全部用不鏽鋼餐具,盛器亦係可再用的那一種,沿途用自己杯酙野飲,機艙服務員亦表示歡迎; 機上用不鏽鋼餐具,減少了罪惡感,飛機餐味道很好 5)機艙服務員態度好友善殷勤,來回香港至伊斯坦堡嘅一程,都10小時以上,好多時長途機嘅洗手都比較污糟,但今次去過幾次都好乾淨,廁所內仲插有新鮮嘅鬱金香,感覺份外清新舒適; 洗手間內插著新鮮的鬱金香,感覺份外清新 6)有睡眠包,有拖鞋、襪、耳塞、眼罩、牙膏牙刷同潤唇膏,哈,印象中係第一次得到咁精美咁齊全嘅,之前搭過嘅長途機係從來沒有; 經濟位的乘客也得到精美的睡眠包啊,一人一份 7)話說由開羅到伊斯坦堡一程,航班延誤,只剩返唔夠30分鐘,地勤好幫忙咁幫忙帶領過安檢同趕過登機閘口; 8)香港來回伊斯坦堡一程都係Boeing 777機種,座位以3-3-3形式編排,唔知咩解,大家都覺得去程架機leg room比較窄,回程比較舒適,又。。。回程時因為領隊幫忙特別安排我地坐機尾,3座變兩座,份外寬敞舒適,實在不得不讚。 好寬敞啊! 航班過程舒適,對整個行程更加加分。