終於搵到合心意嘅隨行杯 問心，要環保確實唔容易，成日大包細包，購物袋、飲管、餐具，食物袋或餐盒，冬天還好，通常一個保溫壼都夠飲。之但係今年基本無凍過，隊友又特別怕熱，外出活動，只帶一升嘅飲品真係唔夠佢飲，但又唔想比借口佢買樽裝飲品，最可惡係佢唔會幫手帶野，一個人要預備兩個人嘅行裝，真心苦惱。 之前用嘅隨行杯容量較細，只適合買熱飲，有時失驚無神想買凍飲，個杯太細，即使你肯飲少啲，舖頭有時都未必肯做你生意，怕引來不必要嘅誤會。 四出訪尋，總算搵到個容量夠大（800ml, 27oz），又輕巧（225g) 嘅摺杯，最開心係隊友都好滿意，話咁輕，佢可以自己扣起公事包或腰間都好方便。個杯防漏都月做得好好，即使入滿水放入袋都好放心，以後就可以帶少樣野啦！ 飲venti都仲有剩，摺埋方便入袋 蓋面嘅蓋掩可切換作粗飲管插孔或對口飲嘅扁孔 有人鍾意掛係腰間，話方便輕巧 對口飲 吸管口 整體都好滿意，實在係手搖杯愛好者嘅恩物！
