相關閱讀：東京秋色 - 西八王子站 係地下街搵B13出口 地面入口處 係B13出左轉右就係百果園，直望好高個座就係酒店 一落酒店就係驚安，難怪咁多港人鍾意 係地下通道既B13出口右轉直望，基本就已經望到酒店，交通都相當便捷﹗﹗順帶一提，個人嚟講，係東京最經常會搭既，唔係山手線，而係都營大江戶線，佢既覆蓋面，基本想去既地方佢都可以去到，又或再轉其他地鐵或都營線﹗﹗過往會揀SUNROUTE PLAZA都係哩個原因，因為好近大江戶線既新宿站，去JR新宿站南口亦近，之不過，今次哩間就有少少唔同﹗﹗ 菱形位置就係B13出口，圖下既圓圈係大江戶線新宿站，而中間個個圈就係大江戶線新宿西口站 都營大江戶線既路線圖 都營大江戶線既新宿站（E27），同新宿西口站（E01），明明好近距離，但係就要係都廳前站轉一次車，仲要係上落一層咁轉線，都幾鬼煩。而去明治神宮外苑，六本木，台場等地，大江戶線新宿站係比較方便既，所以回程時好多時都直接係新宿站出，然後係地下通道慢慢行返過去B13出口﹗﹗之但係，假如由酒店出發，除非你行地面，要不，地下通道係唔會有指示牌教你行去大江戶線既新宿站架喎，哩個就真係有啲吊軌﹗﹗﹗當然，哩個係個人選擇問題，我地本身鍾意搭大江戶線先會有哩個疑問，假如搵JR線既人，應該唔會有問題吧﹗﹗ 講返酒店，係B13出口出左之後，向前行兩個街口就會到，附近有24小時既驚安，又鄰近歌舞技町，所以好旺，亦因為咁，好多時朝早出門都會遇到未酒醒既男男女女，亦試過一早落街就見到警察係附近搜証，睇下你係要熱鬧定清靜啦﹗﹗ 酒店係商場上高，商場部份係戲院同食店 假如以B13出口直行話，其實沿途已經會見到好多途人抬頭影相，為既就係酒店既恐龍公仔，而酒店大堂/接待處亦係恐龍既位置，姐係大廈既8樓，係TOHO CINEMAS既水牌直入就會見到酒店既指示牌。 一入商場就會見到酒店既指示牌 一入商場就會見到酒店既指示牌 係商場按指示就會見到酒店入口處 8樓先係接待處 一出電梯就見到恐龍擺設 最左方便，相信恐龍迷都會好鐘意哩度 酒店大堂 酒店大堂 酒店大堂 酒店原來接駁車去地鐵，不過我地無搭過 酒店既餐廳，但一般訂房都唔包早餐，要另外加錢 係餐廳旁可以行出去露天地方，影巨形哥斯拉 好多人係街抬頭就係想影佢 原來佢有脷架 一如所料，房間空間不大 酒店提供既樽裝水 廁所同房間既面積相約 廁所同房間既面積相約 浴室提供既個人護理 浴室提供既個人護理 8樓以上全都係酒店，而一層有接近50個單位 房間望出去既景色 入夜既新宿街頭 酒店房間就無咩驚喜，都係一般日本酒店既大細，想搵空間平放個喼間直係痴心妄想，好彩我地唔買野，所以無執喼PACK箱既煩惱，而浴室就相對地寬敞，大到直頭可以擺多張床，有人最鐘意就係走廊有冰機，係樓下既便利店買完汽水就可以返去樓飲冰凍可樂﹗﹗
