上一篇：東京秋色 - 西八王子站 一入園就看到一片的楓樹林 東京可以睇秋色既地方真係數之不盡，光是一條JR中央線已經夠用﹗尋日有提過西八王子站既銀杏並木，另外想推介既係國分寺站附近既殿ヶ谷戸庭園 ，中文好似就咁叫殿谷戶庭園﹗順帶一提，真心尊敬日本人。 去外地旅行，即便場館會提供中文介紹資料，但大多只提供簡體字版本，係外國人眼中，反正都係一樣既文字，什麼繁體/簡體傻傻分不清，識正體字既人大多識睇殘體字，但相反，用殘體字既人未必識睇正體字，於是劃一用殘體字﹗但日本就會認真咁去尊重用哩兩種字既人，只要有提供譯本資料，就一定會備齊兩種文字既版本，衷心感激﹗﹗ 哩個日式庭園既公園，只要係JR國分寺站南口出，行2分鐘就到，佔地面積唔大（約21萬平方米），但勝在交通方便，庭園位置被包圍，所以即使我地12月1號到訪，楓樹依然保存得好好，未有被大風吹散，樹冠依然豐盛艷紅﹗﹗ 由國分寺站南口出，行2分鐘就到 JR國分寺站外的雕像 因南口出過對面馬路行2分鐘就到 入口處 庭園收費 庭園收費大人每人150円 園內提供中文正體字資料 入園門券 都立文化遺產9庭園 庭園既簡單地圖 殿谷戶庭園收費大人為150円，被列為都立文化遺產9庭園之一，之前有去過六義園同清澄庭園，小石川後樂園同舊古河庭園今次都有去，稍後介紹﹗﹗ 一入園就見到一大片既紅葉，順住指示一直行，會經過藤架，竹林，然後係一個地上泉水形成既次郎弁天池，假如有宗教信仰的話，仲會有一個馬頭觀音，繞過天池，經過井水添水器又回到入口處，假如只係想影楓葉打卡的話，1個鐘就可以，即使想細味日式庭園，2個鐘內應該可以完成﹗﹗ 官方資料：http://teien.tokyo-park.or.jp/hk/tonogayato/map.html 庭園入口處既楓葉林 庭園入口處既楓葉林 庭園入口處既楓葉林 庭園入口處既楓葉林 庭園入口處既楓葉林 入口處的大草坪 胡枝子隧道 藤架蔭下，可以細味庭園滋味 點擊圖片放大 向下走會到竹林 清幽雅緻既竹林 分岔路口，可直接到天池，然後繞道到馬頭觀音 次郎弁天池 天池映照藍天紅楓， 泉水出處 紅葉亭後 以井水添水器作驅鹿之用，好有日式風味 杮樹啊 連廁所標示也是日式傳統的公仔
