上一篇：東京秋色 - 足利花卉公園 西八王子站既甲州街道銀杏行道樹 去旅行有時確實矛盾，既想影到靚景，但又怕人多﹗美景自必然成為旅遊熱點，亦自必然會迫滿冒名而來既遊客，咁點算哩﹖唯有做多啲功課啦﹗﹗ 當大家都追楓既時候，我地相對比較鍾意影銀杏，金黃色既樹葉，係陽光映照下閃閃發光，份外耀眼奪目﹗﹗今次係東京逗留左6日，對上一次係東京影秋色，原來已經係五年前既事，同一時間到訪，有舊地重遊，亦去左好多新地點以避開人潮﹗好似之前提過既足利花卉公園，同埋一落機就去既西八王子銀杏並木﹗﹗ 話說我地11月29號搭ANA既凌晨機出發，降落羽田機場都未夠早上6點﹗﹗先返新宿酒店寄存行履，見天色有點差，心裡一沈﹗﹗ 係西八王子站既北口出 向前直行兩個街口就會見到夾道既銀杏樹 向前行一陣會見到有行人天橋，可以係橋上面慢慢影 人流比較少，可以慢慢影個夠 一望無際既銀杏樹，全長有4KM 11月尾其實有點落葉，但大風一吹，漫天既金葉更為吸引 藍天白雲，閃閃發光既銀杏樹 點擊圖片放大 +2 係橋上面影又會有唔同味道 影花也好，影葉也好，滿開有滿開既靚，落葉也有落葉既美，雖然有啲樹已經開始只見樹枝，但大風一吹，滿天金葉，漫天金雪，踏著黃金隧道走著走著，也是另一番滋味﹗﹗係度逗留左都差不多兩個鐘，沿路行返去西八王子站搭返回到車，再到昭和公園踩單車﹗﹗其實高尾山亦係一個賞秋色既好地方，只係日照時間短，逗留時間有限，取捨下都係去交通比省時既昭和公園﹗﹗
