餐廳係大廈既一樓，要行一層樓梯 繼續頭痛﹗﹗ 朋友問，你頭邊個位痛﹗我想答：有神經線的地方都會痛﹗﹗但還是算了吧﹗﹗也有朋友問：頭痛睇中醫可解決，OMG~~~心諗：出名唔出名既，正常不正常既都睇過，只係，該是還沒遇上吧﹗﹗還是默言不語﹗﹗更有朋友問，常頭痛嗎﹖我想，你該問，不痛的日子多嗎﹖﹗都是自己的問題，朋友的關心，就默然收下吧﹗﹗ 既然繼續頭痛，又繼續講下食野﹗﹗尋日講完廣州精緻素食，咁啱尋晚就同朋友去左中環蘇豪一間素菜餐廳食飯，不過，食完就有啲失望﹗﹗其實食物唔錯架，地方都舒適，只係，廣州個間確實太出色，相比之下，係蘇豪既既哩一間，就來得平平無奇﹗﹗ 餐廳住置唔難搵，只要依半山扶手電梯同天橋一路直上，去到伊利近街轉右，行多一分鐘就到，不過餐廳係一樓，所以要撳門鐘等開門然後行幾級樓梯咁﹗依家天氣清爽，開飯前行一陣當做運動都唔錯吖﹗﹗ 餐廳入大廈一樓，要先按門鐘 餐廳好似分左兩邊，應該都幾大 我地兩個人坐係廚房附近 都多選擇 餐廳本身用不鏽鋼飲管，但店員話有客人覺得唔衛生，所以轉返用紙飲管，唔緊要，我有私伙 好似都係招牌菜VEGAN TUNA TATAR 其中一個招牌菜，CAULIFLOWER CAKE TOM YUM CHITARRA 朋友訂左檯6點半，到達時餐廳好似得一檯客，後來食完差不多9點，都係得四、五檯客左右，可能始終係星期二，專登走蘇豪食飯既人唔多掛，不過沿途返落中環站，附近幾條街都幾旺下架﹗﹗ 點菜前上網搵過下資料，滿心歡喜見到佢地嘅凍飲都用不鏽鋼飲管，好彩落單前問多句，原來餐廳已應客人要求改返用紙飲管，皆因有客人擔心不鏽鋼飲管唔衛生喎。 真係可惜。。。無架，做食店，客人唔鍾意就好難一意孤行。不過都係個句，一次性嘅飲管，無論膠嘅好，紙嘅好，點解用家會覺得比較衛生？生產過程你又唔知，運送，儲存係咪又真係衛生？唉，實在無言，都係個人選擇啦，似乎仲需要啲時間去適應。 我地得兩個人，只係點左一個前菜，一個沙律同一個意粉。前菜同沙律都係佢地嘅signature dish，所以味道都唔錯。不過個冬陰意粉就。。。就真係麻麻，份量係好多呀，不過無冬陰味，意粉質地亦唔好。 反正地點唔算便利，應該都唔會有下次架啦，餐廳無用餐時間，叫做兩個人有個舒舒服服嘅地方傾下計。
