上一篇：港燦遊廣州 - 飲食篇（一） 哩碟野只係79蚊，所以次次去都有食，雖然細隻，但樣樣都好鮮好甜，抵呀 話說係廣州逗留左五晚，但居然去同一間食店去左三次，真係人都癲。無計，皆因哩間係專食海鮮既專門店，價錢比起香港實在平好多，有人為食，去完第一晚隔晚就話要再去﹗﹗哩間店朋友話深圳都有，SORRY，港燦實在唔係好識哩啲，真係上到廣州，想食海鮮，問點評網，見到評分有四，就梗係要去試下﹗﹗ 我地去既係林和西店（耀中廣場），組係林和西站A出口一出就係，係廣州東站搭3號線過去，搭1個站就到，廣州東站係大站，特別係繁忙時間，真係細粒啲都唔使指意迫到上車，老老實實，我就情願直接係廣州東站行過去，步程大概10鐘左右，一條直路，好易搵﹗﹗食完又可以係林和西搭APM線返去住處，唔使再轉來轉去，交通都叫方便﹗ 不過哩間點評網4星既食肆實在唔講得笑，我地第一晚係星期五既7點幾去到，大堂已經坐滿等位既人，店內就當然係塞滿食緊野既客人，最後等左差不多一個鐘先有得食，仲要係好彩有人拎多左票比我地先有咁也，我地自己拎個張真係有排都未到﹗﹗店員安排你入座之後，就自己出去揀海鮮，選擇都真係相當之多，價錢亦好吸引，難怪咁旺場﹗﹗ 食肆係林和西站耀中廣場三樓 星期五晚，7點去到已經坐滿，差不多等左一個鐘先有檯 最後被安排左入偏廳坐 揀海鮮既地方 海鮮選擇實在相當多 海鮮選擇實在相當多 海鮮選擇實在相當多 海鮮選擇實在相當多 海鮮選擇實在相當多 海鮮選擇實在相當多 海鮮選擇實在相當多 海鮮以外 仲有新鮮劏既海魚，客人可以即時揀要幾多，真係即叫即蒸 國內好興高透明度既廚房，似乎係要安客人既心﹗ 點擊圖片放大 魚油焗飯 蒜茸粉絲蒸元貝 薑葱炒蟹 漁佬蒸蛋 九肚魚生煎包 朋友嫌貴，所以第一次一齊食無食到瀨尿蝦，但其實唔算貴，我地自己後尾再去左兩次都係為左佢 兩個人去食時既蟹 偷影隔離檯既瀨尿蝦，太誇張了吧﹗ 秋葵 第三次去食，都依然係兩個人比八個人檯我地，都幾搞笑 第二、第三次都係坐哩張檯，兩個人坐八人檯，好似拍電視劇咁 第一次到訪（四個人食） 第二次到訪（兩個人食） 第三次到訪（兩個人食） 海鮮真係樣樣都鮮，樣樣都甜，價錢亦好軍真，即使你叫一隻紅蟹佢都照幫你做，唔會好似香港咁另加煮工錢，海鮮按重量計，秤到幾多就收幾多，係張單度顯示得清清楚楚﹗感覺比係香港去食海鮮稱心滿意好多，第一次係連埋另外兩個同事一齊去食，本來想叫瀨尿蝦，但佢地嫌貴（二百幾蚊斤），一斤大概有五隻，所以無叫到﹗ 隊友一心想食瀨尿蝦，就係因為第一次無食到，於是就有第二第三次，兩個人食個夠，其他菜式就三次去都大同小異，雖然來來去去都係叫個幾樣，但確實係夠新鮮，調味也恰到好處，所以食得份外滋味，好相信，以後耐唔使就有人會提議去廣州渡周末﹗﹗
