上一篇：2018食在曼谷（五） 到訪日期：2018/08/31 - 2018/09/04 季節限定既芒果糯米飯刨冰 曼谷確實有太多好野食，即使差不多每年都去，但依然有好多出名既餐廳無辦法試到﹗我地又特別鍾意回味，5日4夜其實唔係食到好多野﹗﹗有時明明係飽到嘔，但行過甜品店又會自欺欺人咁同自己講，甜品唔會好飽既姐，難得唔使等喎，無理由唔食﹗﹗於是，好多時都會加插不必要既甜品時間﹗﹗ 好似2018食在曼谷（四）去食既創意雪糕店，單骨雞翼都係唔錯既選擇，可以係午餐同晚餐中間加插，另外個間24小時既芒果糯米飯，佢最好係喺BTS 站THONG LOR站附近，有時為食都可以路經BTS站去買一買，唔即時食都可以帶返酒店食﹗﹗今次去仲試自備餐盒，希望可以係曼谷走塑，結果非常順利，老闆好幫忙咁叫員工直接入盒﹗﹗勁呀﹗﹗ 必食既芒果糯米飯 曼谷必食既芒果糯米飯 去曼谷食野都可以走塑 另外人氣日式刨冰店亦係方便貪心旅客之選，刨冰又靚又香滑，仲不時有季節限定，今年去咁啱見到芒果糯米飯口味，梗係要試一試佢啦﹗﹗知道即使係店內用冰凍朱古力都會得到膠杯，於是又試下出示自攜杯睇下店員咩反應，又好好彩完全無反對，隨手就接過摺杯幫忙準備﹗﹗ 難得唔使排隊，無理由唔食姐 仲有好香濃既綠茶多士 泰茶千層蛋糕 花盆布甸 今次居然無食到魚蛋河，依，唔係喎，係酒店餐廳食早餐有食到喎﹗﹗總之，曼谷四圍都有好多食，只係睇你有幾多時間同幾大胃口﹗﹗
