上一篇：2018食在曼谷（四） 到訪日期：2018/08/31 - 2018/09/04 好肥美既大頭蝦 出發前朋友已經表明想去曼谷玩釣蝦，個位泰國通KOL的確有介紹過一個釣蝦場，但地點有點偏遠，一定要搭的士。後來又有介紹過另一個夾蝦既燒烤場，食客可隨時係側邊既水池夾起鮮蝦放落爐度燒，哩個地點比較便捷，可惜朋友又嫌夾蝦唔好玩，覺得要自己釣先好夠開心﹗而我地既前設係，唔搭的士﹗咁，到底點算好哩﹖﹖ 點解咁堅持唔想搭的士，之前都大概有講過，一來唔鍾意的士司機講價，二來，有時又真係唔係好溝通到﹗﹗好似第二日泰國朋友帶我地去陶瓷島（KOH KRET玩），佢地會講泰文，但搭的士去時都搵左一輪，的士司機都誤會停錯地方﹗回程時就仲慘，朋友打左好幾通電話都CALL唔到車，最後都只能搭TUK TUK返出大街，再搭巴士去附近地鐵站咋﹗﹗連當地人搭的士去偏遠地區都咁麻煩，何況係雞同鴨講既遊客哩﹗﹗ 個位泰國KOL介紹既蝦場，要搭的士，或者你可先預備好泰文地址，但玩得夜回程又點算哩﹖﹖地點偏遠，會唔會好難搵的士﹖﹖到時又會唔會唔識路（去陶瓷島時，朋友CALL車時的士司機就係話唔知W HOTEL係邊﹗），本身已經唔想係曼谷搭的士，見埋泰國朋友既經歷就更加唔想搭﹗ 上網搵左一輪，最終搵到一間係BTS站附近，本來想拜託泰國朋友陪埋一齊先去，但有感之前一日已經打搞左人一家一整天，都唔係好好意思，於是，決定三傻自己去冒下險啦﹗﹗ 基本你上GOOGLE MAP搵SHRIMP FISHING PARK, BANGKOK應該就會搵到餐廳資料﹗﹗地址肯定正確，之不過泰國朋友話打左好多次電話都無人聽，所以唔肯定電話資料啱唔啱﹗﹗ Soi Ratchadaphisek 8 (Chai Bun MI), Khwaeng Bukkhalo, Khet Thon Buri, Krung Thep Maha Nakhon 10600 ซอยรัชดาภิเษก 8 (ใช้บุญมี) แขวง บุคคโล เขต ธนบุรี กรุงเทพมหานคร 10600 +66 99 470 2876 假如係CHONG NONSI出發，搭幾個站就到 假如係酒店出發的話，係CHONG NONSI搭BTS向BANG WA方向去到TALAT PHLU站落車就可以﹗個邊係新開發區，BTS線仲不停延伸緊。出站後搵RATCHADPHISEK ROAD方向出，上天橋過馬路，直行約10分鐘左右會見到一間叫同福記既菜館，係個度轉左入小巷再行多2分鐘就會見到﹗﹗沿途會見到好多中文字既店舖，小區既大街，不用擔心治安﹗ BTS附近多為民居 沿路都有好多有中文字既舖頭 沿路都有好多有中文字既舖頭 見到哩間就左轉入小巷 再行多兩分鐘就會見到門口 店內環境 店內環境 6點半已經好多人係度玩緊 6點半已經好多人係度玩緊 黃衫同隔離個位鬍鬚叔叔，成日不停有收穫，很妒忌的說 店員唔係好識英文，只靠餐牌點相 店員唔係好識英文，只靠餐牌點相 半KG既蝦 點擊圖片放大 最後只釣左3隻 我地大概6點半去到，但已經好多人係個樹玩緊，你可以唔玩釣蝦直接點菜，不過個樹遊客唔多，店員確實唔係好識英文的，點菜都係靠餐牌睇相﹗在場好多人都係自己帶蝦杆，而我地幾個完全無玩過既，一路睇住人地不停有收穫，確實係重大打擊。 收費，租蝦杆（連餌）費用50BAHT，然後每小時收費100BAHT，睇你幾多個人玩，我地只係租左兩枝杆玩左3個鐘，所以係收費既OTHER項中加收700，可惜我地玩左咁耐都只係釣到3大隻，走時店員有問我地要唔要帶走，其實佢係免費幫你煮既，但得3隻，確實係無咩心機﹗﹗係釣既途中，我地叫左兩次野食，就係因為唔係好溝通到，第一次ORDER左0.5KG既大頭蝦，共六隻，第二次再點，個店員誤會左，幫我地落左1KG，姐係差不多十二隻，加埋兩碟菜，一碟雞翼同埋飲品，其實係有點多，所以落單時記緊要留神﹗﹗不過整體食物都算OK，環境同店員亦不錯﹗﹗ 唔使搭的士去到母雷公咁遠，又可以試下釣蝦既樂趣，都係一個唔錯既體驗﹗﹗
