上一篇：2018食在曼谷（三） 到訪日期：2018/08/31 - 2018/09/04 佢個名好似叫JACKIE 泰國人的好鍾意日本文化，所以不難搵到高質素既日本餐廳，第一晚就係酒店附近食左間好美味既森壽司（2018食在曼谷（一）），不過朋友話想試一間之前我地食過既有趣卷物餐廳，於是星期日一早又去排隊﹗﹗餐廳係PHROM PHONG站附近，本來諗住星期日一早，唔會有太多客人，點知十二點去到又係排長龍﹗﹗ 見到好多當地人會嚟哩間咖啡店打咭 隔離係連鎖按摩店 等位途中見到對面有間日式燒肉放題 好似都相當吸引 一心過嚟係食卷物，雖然對面個間日式燒肉放題店都好吸引，但都係下次先﹗﹗大概等左一個鐘就有得食啦﹗﹗卷物一客大概400BAHT左右，又好味又可愛，不過我地諗住當晚會去釣蝦，所以唔敢叫多，叫做應左朋友既要求，食少少，影個相就算﹗﹗ 店內座位唔多 等左一個鐘，終於有得食啦 好多時係旅程途中見到有趣新品都會好有衝動想買，但都係影左當買左啦 創意雪糕店，選擇也不少啊 雪糕店其中一個招牌既吉列豬扒便當雪糕 芒果糯米飯雪條，同山竹雪糕 好精彩既榴槤雪糕 創意雪糕店食既雪糕全部都好精美，其中比較出名既係吉列豬扒造型既雪糕，做得相當神似，雪糕店實在係位於SIAM站同NATIONAL STADIUM站中間既藝術中心，食完順道可以睇下展覽。影完相打完咭，其實明明已經好飽，不過朋友講左要試下野，而哩樣新野係我地都無試過既，就係。。。去釣蝦，唔想搭的士，要係地鐵可達範圍內搵釣蝦場，都唔係易事﹗﹗
