上一篇：2018食在曼谷（一）/ （二） 相關閱讀：2018住在曼谷（上） / （下） 到訪日期：2018/08/31 - 2018/09/04 建興既咖喱炒蟹 三個人係曼谷玩左5日4夜，食左三餐咖喱炒蟹，確實係有啲不思進取﹗之但係，建興個咖喱炒蟹實在太好味，連同行鍾意試新野既朋友，第二晚食完，都話想臨走前食多次﹗ 係SAVOEY點既咖喱蟹，印象中要800BAHT 而建興，我地就叫左個中既，食落份量都係同SAVOEY差唔多，但就只係550BAHT，仲要個汁好好味添﹗﹗我地前後食左兩餐建興，第一餐叫左個中既咖喱炒蟹，但三個人分好似唔係好夠喉，第二次再去食，諗左一輪，叫個大既要1200BAHT，但中既就只需550，我地叫兩個都仲有SO，蟹肉同樣新鮮香甜，仲多啲汁添﹗﹗如是者，當我地第四晚再去食既時候，決定叫左兩個中既，連店員都以為自己搞錯，諗起都好笑﹗﹗ 7點左右已經坐滿人 我地被安排到3樓坐 哩個好似係通菜 生蝦刺身 哩個應該係怕羞草 蝦餅 粉絲蝦煲 到訪五天，食左兩餐建興，第一餐係係酒店附近食，除左一份中既咖喱炒蟹，仲有蝦餅，兩個菜，生蝦刺身，粉絲蝦煲，仲有兩個椰青加一壼菊花茶，埋單2200BAHT。 CENTRAL WORLD既建興 除左蟹，仲有飲品 埋單1738 至於第二餐，就係差不多9點先去CENTRAL WORLD個間食，一入店就點左兩個中既咖喱炒蟹，一份菜，兩碗飯加三杯飲品，埋單BAHT1738，但就真係盡興而歸，三個人食兩份蟹，個汁都依然清哂。 咖喱炒蟹，除左SAVOEY同建興，我地都有食過BANANA LEAF既咖喱蟹肉，但舊年去食覺得失望（快閃曼谷 - 飲食篇（二）），亦有人話頌通好味，但頌通交通始終無咁方便，同埋相對地比較貴（快閃曼谷 - 飲食篇（三）），建興分店較多，交通亦較便捷，實在係唔錯既選擇。
