簡約嘅餐牌 朋友最近話心情低落，於是約佢放工傾下計，朋友係為食之人，心情唔好，陪佢食野該是最實際了吧！ 哈哈，何謂之為食?就係明明口口聲聲話要減肥，但都可以係食飯之前去食個炸雞髀，又真係估佢唔到，佢又真係食得哂架喎。 丹麥餅店炸雞髀 始終鍾意小店，朋友帶埋餐盒去附近老牌小食店買炸髀，店員表示無限歡迎。睇住朋友食完炸髀，傾左陣，啱啱另一個朋友都放工嚟到，於是一齊去附近餐廳﹗﹗ 餐廳係新開既，無得訂位，另一相熟朋友話佢地可以任食薯條，而且牛扒做得唔錯，啱哂同朋友傾計解悶﹗﹗餐廳係希慎道，唔算係大街，舖面亦唔當眼，假如唔係係附近做野，真係未必會留意，我地大概7點半左右到，啱啱係最後一張檯，跟住既人已經要等位﹗﹗ 店內座位唔多 菜式選擇唔多，每位客人一定要叫一個主菜 薯條無限添 餐湯加沙律 其中一個SIGNATURE DISH - 香草平鐵牛扒 ANOTHER SIGNATURE DISH - 西班牙栗飼豬鞍架 仲有一份漢堡 三個人都成功走飲管 甜品 我地三個人，佢一定每人要點一個主菜，好彩佢個牛只得8oz，唔算大份，加多個漢堡包同豬鞍都可以處理到﹗原來哩間係分店，佢本舖係何文田，怪唔知新開咁快就已經有人排隊，個人覺得豬鞍比牛扒好味，唔知係咪只係咁啱我地點個件唔算靚﹗要食多次先敢作評論﹗﹗唯一自己唔係好接受既就係用餐時間只得1.5小時，查實都明白既，舖租貴，做多轉客先可以維到本，不過對客人嚟講，假如想傾計就會覺得有限制﹗﹗食完只好搵地方再傾過咁囉﹗
