上一篇：2018食在曼谷（一） 相關閱讀：2018住在曼谷（上） / （下） 到訪日期：2018/08/31 - 2018/09/04 SKY WALK係一個影相位，搵GOOGLE MAP會見到好多人係個樹打卡 假如係酒店想過EMPIRE TOWER，就要由正門出轉左手邉，上返天橋經SKY WALK過去，路面好似唔係好見有過馬路位﹗﹗係酒店房都會望到SKY WALK，個樹係幾座商業大廈既匯集處，好多當地人鍾意係個樹影相﹗第二日泰國朋友帶完我地去陶瓷島玩，送我地返酒店時都要求係個樹合照，似乎當地人好鍾意哩條橋﹗﹗ 上橋前會經過單車站 入左商場後，餐廳係M2樓層，姐係要上多層自動電梯﹗其實泰國既餐廳好多時會"落場"，姐係午市同晚市中間時段會休息，點解會揀哩間餐廳，正正因為佢唔會有落場時間，不過哩，因為佢係寫字樓區，所以星期日係休息既，所以要留意﹗﹗﹗ 據我所知哩間餐廳係連鎖店，其他地方都有，只係哩間分店近我地住既酒店，所以又泥下﹗﹗過左午飯時間，餐廳明顯顯得冷清，咁仲好，我地只係想安安靜靜咁食個晏，無人仲好﹗﹗ SAVOEY 唔知係咩獎，但應該都係優質食店之類吧﹗﹗ 點擊圖片放大 我地叫左兩個菜 生蝦刺身 串燒好好味 哩個唔記得係咩紙米卷，但好開胃 呵呵，走飲管成功，很變態耶 係EMPIRE TOWER望返過去酒店 除左咖喱炒蟹，我地仲叫左兩個菜，一個紙米卷，一份串燒（出奇地好食），一份生蝦刺身同三杯野食，埋單2,200BAHT，都好抵食﹗﹗最開心係係曼谷食既第一餐已經成功走到飲管，店員完全無覺得奇怪，不過佢個蟹始終都無建興咁好食﹗﹗﹗聽日再講
