上一篇：2018住在曼谷（上） / （下） 到訪日期：2018/08/31 - 2018/09/04 酒店雖然唔係大站，但感覺相當便捷，除左酒店早餐本身好豐富，附近仲有好多好野食﹗﹗5日4夜既行程，有好幾餐都係附近搞掂﹗﹗哈哈，人懶就係咁﹗﹗ 唔知點解好多時去曼谷都會食日本野 話說由BTS CHONG NONSI站一號出口出，會穿過一座叫SATHORN SQUARE既商廈先到酒店，連接BTS站既天橋係二樓，一入就會有間CANON SHOP同BOOTS，落一層就已經見到哩間日本餐廳﹗路過正值午飯時間，見到好多附近做野既上班族係樹排隊，於是又八掛望下有咩食，見到有兩個壽司SET做緊特價，價錢都好吸引，不過當時大家都推住喼，又想早啲去酒店CHECKIN，所以無影相就走左﹗﹗ 由BTS站行去酒店，會穿過一個叫SATHORN SQUARE既商廈，一樓會見到哩間日本餐廳 顧客全部都係附近做野既當地人 去到曼谷都要環保，自備餐具 完全無走飲管既煩惱 由BTS行去酒店時經過，發現日本餐廳做緊優惠，當晚諗唔到食咩，於是決定去幫襯下 飯後甜品（送既），個蜜瓜甜到哩 本來三個SET要4000 BAHT，但因為做緊優惠，變左3000（未計加一） 好吸引既和牛優惠 我地第二日再路過，前一晚既優惠已經無左 當晚預約左去左THAI MASSAGE，諗唔到食咩，於是三個人就決定近近地係近食，咁食完就可以搭BTS過去。泰國人都好鍾意日本文化，所以曼谷都好多有質素既日本餐廳，哩間係商業區既壽司店質素相當高，價錢又抵，我地叫左兩客炙燒壽司SET加一個三文魚壽司SET，炙燒壽司本身要1450BAHT，但當晚做優惠920BATH，差不多65折﹗ 餐廳環境完全係傳統日本餐廳既寧靜舒適，壽司每件都好肥美，手握飯亦好軟熟香口，環境完全係安靜，食完個餐仲送多份甜到漏既蜜瓜，實在太滿足啦﹗﹗不過咁飽，點去做THAI MASSAGE哩你話﹗﹗
