食唔成TEA，朋友好有心咁買左個茶葉叫我自己返屋企沖 單骨雞翼，自己去曼谷必去既餐廳，9月去個轉都有去食，不過，諗諗下，原來係無喺香港食過架﹗﹗唔知有無分別哩，又去試下先﹗﹗查實哩間餐廳開左嚟香港幾年，唔知咩解從來都無衝動要去試又下，難得一班朋友，就去踩下場吧﹗﹗ 餐牌外觀同曼谷既一模一樣 周末下午3點半，一行七人真係難得唔使等位直接，不過真係好彩，坐落無耐已經見到人龍，係朋友研究既要點咩既時候，我只得一個，呀，唔係，應該係兩個要求，就係單骨雞翼同檸檬茶﹗﹗ 餐牌外觀同曼谷個本一模一樣，但內容哩，哈哈，當然唔會記得，不過就記得曼谷除左有本主餐牌，仲有好多其他餐牌架，飲品一本，甜品一本之類﹗ 係曼谷食既芝士三文治之類，唔記得名，但好好係 係曼谷，我地無叫主菜，但都依然每人得到一個可愛麵包 係曼谷飲既荔枝沙冰（好似），叫左走飲管但店員唔記得（或聽唔明） 係曼谷飲既檸檬茶，叫左走飲管但店員唔記得（或聽唔明） 鍾意係曼谷食係因為佢平，去咁多次，見到都係HIGH END既當地顧客，衣著斯文，我地9月去，三個人叫左兩份單骨雞翼，一份芝士三文治之類既野（唔記得叫咩名），三杯野飲，無點主菜，但依然每人得到一個可愛既麵包，埋單1,000泰銖，姐係大概二百四蚊港紙，三個人喎﹗但香港哩﹖﹗ 叫左五杯檸茶，一杯荔枝沙冰，另外仲有一杯唔記得影，店員好乖幫我地走哂飲管 單骨雞翼始絡曼谷既好味啲 青口，好瘦 蝦餅，普普通育 魷魚好味 米紙卷 我地7個人，叫左七杯飲品，其中五杯係檸檬茶，哩間餐廳以檸檬茶出名，皆因佢地既冰都係茶，一路飲唔會沖淡，可能係心理作用，總覺曼谷既茶底好味啲香啲﹗﹗同樣叫左兩客單骨雞翼，繼續覺得曼谷好食啲，少左份香味，但又講唔出係咩，另外仲有米紙卷，魷魚筒，蝦餅同青口，老老實實，個青口比較瘦，其他都不過不失，都算好味道既﹗﹗但埋單哩﹖﹖我生日唔使夾錢，但我知佢地每人夾左250，姐係7個人差不多要1500，假如香港既價錢，唔算貴，但鍾意哩間餐廳就係因為鍾意佢好味又抵食，假如用哩個價錢，我又唔覺得要特別追捧﹗我都係鍾意去返啲平民餐廳多啲﹗﹗ 既然講開曼谷之旅既野，不如又返轉頭講下9月去做過啲咩吖﹗﹗
