相關閱讀：久違了的自助餐 原來，舊年10月17都出左篇自助餐，舊年係10月11號食，今年就10月17號，兩日都係特別慶祝日子，原來，兩年都去返同一個地方﹗﹗ 本身已經唔係好食野，加上年紀大，食量更少，6百幾蚊一個人食一次自助餐真心係自己搵自己笨（雖則假期有85折），不過，慶祝活動，點都要做下既﹗﹗本來都無諗起舊年原來都係哩個時間去，只係食食下，職員拎住托盆推介籌款飲品，記起舊年都有，細問之下，原來飲品係為左配合粉紅10月 - 癌症基金既活動而搞，咁，好肯定我地舊年10月都係哩度﹗﹗ 舊年粉紅10月既飲品，好似叫粉紅豹 今年繼續粉紅十月，都有點到個杯野飲（另外加錢），但就忘記影相 其實無咩想影，都係兩個人簡簡單單，舒舒服服去食個飯，仲以為好多人會趁假期出門，但去到未夠6點半，都經已坐滿人了﹗人太多，更加唔願影相，唔想影到人，咁，就直接食吧﹗﹗ 坐係窗邊隔住玻璃既夜景 職員安排左坐係窗邊，香港夜景本來就應該係九龍個邊望返過港島先靚，再加上四圍都係水馬，曾經係賣點之一既窗邊位，唔再吸引﹗為左應付人流，蠔吧有兩個師傅係度開蠔，每人限拎三隻，今次既係澳洲COFFIN BAY，睇返資料舊年係法國既 食到後段影既，所以已經無咩人排隊，亦只剩返一個師傅 2017年10月食既FINE DE CLAIRE 全晚主要都係食蠔，粗略估計每人食左15/6隻，最初人多就限左每人每次只可拎3隻，不過後段無咁多人，你一次拎半打師傅都唔會理你。食蠔其實有個小插曲，話說第一轉都好鮮甜，無問題，但第二轉其中一隻，一入口就知有問題，有點異味，即刻吐返出來，事後亦即時向職員反映，唔係要投訴，真心明白成批生蠔，好難去確保每一隻都無問題，所以真係只係輕輕咁話比職員知，味道有問題﹗﹗ 後來經理親身過嚟了解，又重申，唔係要投訴，食左其他亦無問題，事後經理為表歉意，即時再拎多半打比我地，亦傾左幾句，原來餐廳之前一直係用法國既FINE DE CLAIRE，睇返相，舊年亦係，不過經理話發現法國蠔好易有蟲，安全起見就換哂COFFIN BAY﹗﹗真心既，食左十幾隻，全部都爽甜，只係其中個一隻覺得有點怪怪，雖則後尾有搞肚痛情況出現 - 悄悄感謝文，但應該只係一下掉左太多野落個肚度而成，後尾返到屋企已經無事了，應該完全唔關啲蠔事﹗﹗ 凍蝦、凍蟹同翡翠螺都係最經常會拎既 刺身的話，推介帶子 點擊圖片放大 +8 凍蝦、凍蟹、龍蝦都係上佳質素，不過個翡翠螺就普通﹗﹗刺身款式都多，不過個人推介帶子刺身最鮮甜爽口，熟食就真係答唔出，因為除左生牛肉之外就無拎過其他熟食﹗不過、個牛肉感覺普通﹗﹗中湯係椰子煲嚮（好似係），西湯係龍蝦，個人推介龍蝦湯，味道濃郁香甜﹗呀，唔記得講，除左食完既咖啡茶，自助餐本身已包飲品，汽水果汁紅酒白酒任飲，無限添加，好似今個月做優惠，假如有人生日又有4位以上，好似係4人同行三人價錢（好似，因為我地只係兩個，無深究）。 甜品方面，一向嗜甜既我，原來係不知不覺間轉左口味，對甜品興趣不大了，有MOVENPICK杯裝雪糕件拎，但我地都只係每人拎左一杯﹗﹗自助餐，似乎只係滿足食客咩都想試想食既心態，但都係少吃多滋味啦﹗﹗
