上一篇：荒失失奇兵（馬達加斯加） - 行裝準備 8日行程，我地只係東西岸玩 DAY 1 （9月23日） 由香港機場搭乘埃塞俄比亞航空既航班出發，先由香港飛到埃塞俄比亞既ADDIS ABABA (ADD）機場（機程約10小時），再搭多五個鐘去馬達加斯加首都ANATANANARVIO（TNR），一落車就直接開車向東岸ANDASIBE出發，夜訪PARK VOIMMA，留宿ANDASIBE。 摸黑係森林搵小動物 摸黑係森林搵小動物 DAY 2（9月24日） 繼續係ANDASIBE活動，先去ANALAMAZAOTRA NATIONAL PARK睇野生狐猴，然後就去一個私人既養殖場PARK VAKONA，因為係私人養殖，可以同狐猴近距離接觸﹗﹗下晝就又開返4個鐘車返返首都ANTANANAVIRO留宿。 因為真係野生，睇到睇唔到全靠運侎，但感覺就好刺激 養殖場就真係可以同狐猴近距離接觸 DAY 3（9月25） 朝早係返市內一個市集買下手信，然後就搭一程內陸機向西岸MORONDAVA出發，夜闖KIRINDY FOREST，係KIRINDY留宿一晚﹗ 一早去買手工藝品 內陸機都好多限制，記住留意 係KIRINDY森林更加難遇見小動物，最主要原因係西岸既狐猴以MOUSE LEMUR為多，對聲音份外敏感，而同行既人又比較嘈﹗﹗係有見到的，不過影唔到相﹗ DAY 4 （9月26日） 離開KIRINDY向BEKOPAKA出發，哩日基本全日都係交通，又車又船咁﹗坐係完全無冷氣既四騎入面，沙塵滾滾，但沿途都有涼風，唔覺辛苦，不過團友們就叫苦連天，或者係因為沿途都同當地導遊有講有笑﹗﹗留宿BEKOPAKA兩晚。 路途遙遠，中間仲要搭一程一個鐘既船﹗ 一個小時既船程，沿途有微風，又可睇下沿岸當地人既生活日常，其實時間好快過 西岸既路況的比較差，但同當地導遊有講有笑，開住窗其實都好舒服，只要你唔怕沙塵滾滾 過到去BEKOPAKA仲可以趕得切睇日落 DAY 5（9月27日） 一早由BEKOPAKA既旅館出發去TSINGY DE BEMARAHA NATIONAL PARK行山，行程大概係四個鐘，雖然出發前要帶安全帶，但假如你平時有行開山，哩段路其實唔算太難﹗﹗回程返BEKOPAKA既旅館，中間其實有插曲，遲啲講。 去TSINGY行山前先去左另一個景點，個名要遲啲先補充 去TSINGY行山前先去左另一個景點，個名要遲啲先補充 入岩洞會見到不一樣的小動物 世界遺產TSINGY 石林 DAY 6（9月28 日） 一早離開BEKOPABA，又走返回頭路，又車又船咁返返MORONDAVA，又係一整天既車程加船程，出到去本來諗住可以係猴麵包樹大道影下日落，但又係有突發狀況，所以都只係影左陣又要返酒店休息，MORONDAVA既酒店，係全程唯一一間有冷氣既住宿﹗﹗ 馬達加斯加的猴面包樹大道 猴面包樹大道的黃昏 DAY 7 （9月29日） 本來行程係係住宿附近參觀漁村，但我地幾個想影藍天白雲既猴面包樹，於是就離隊去左影相，然後先歸隊一齊搭內陸機返首都。 藍天白雲既猴麵包樹，終於同LOVER BAOBAB見面 DAY 8（9月30） 行程好趕急但又好充實，因為要搭中午機，舒舒服服咁食左個中餐，就直接去機場飛返香港﹗﹗行程話咁快就完左了﹗﹗聽落好似好簡單，不過中間係有好多有趣既野發生既﹗﹗
