上一篇：荒失失奇兵（馬達加斯加） - 出發準備（三） 卡通片實在太深入民心，個個都識KING JULIEN 出發準備，當然要知要預幾錢旅費啦﹗﹗馬達加斯加係世界最貧窮既國家之一，2018年初既資料顯示，依然係話有八成人口日薪只得USD2左加﹗不過到地後問過當地導遊，佢話依佢所知，一般月薪都會有USD100，希望係啦﹗﹗言歸正傳先，咁我地馬達加斯既既八日旅程，到底用左幾多錢哩﹖﹖ 1) 機票 我地搭既係埃塞俄比亞航空（ETHIOPIAN AIRLINE），先由香港飛10個鐘去埃塞俄比亞ADDIS ABABA機場（ADD），然後再搭多5個鐘去馬達加斯加首都ANTANANARIVO既國際機場（TNR）（等轉機時間不包括在內）。回程機程長少少，都係5個鐘由TNR到ADD，但ADD到HKG就要13個鐘，因為中途要再係曼谷上客（唔使落機）。來回機票連稅大概係HKD7,000。 2) 團費 今次係跟衫尾去，全程由朋友負責同當地旅行社聯絡，知道當地既旅行社都多選擇，而我地擇既WAU MADAGASCAR，感覺都相當良好，東西兩岸既兩位導遊都英文流利，我地要求沿途住宿都要三星以上，收費大概EURO1,000一個人（大家都明價格會因行程而變動，唔好拎住哩個價企圖到講價），費用包括導遊，7晚酒店，所有交通費（我地13個人同行，東岸坐旅遊巴，西岸路沿較差，每2/3個人一架四騎，連兩程內陸機），幾個NATIONAL PARK既入場費（行程遲啲再講） 東岸時坐既旅遊巴 西岸每2/3個人一架四驅 唉吔，要趕住出去拜山，今晚有時間再補充（未完，待續）
