一打開本小冊子就會見到入境紙,底面共四頁 一打開本小冊子就會見到入境紙,底面共四頁 其實都係問個啲野啦﹗申請人姓名,護照號碼,簽發地,有效日期,住址(我自己通常就咁寫地區然後香港就算),第二頁既VISA NO係未填得住既,要過第一關比左錢先會知,簽証期一般都係30日啦,到時張VISA會寫。第三頁係健康聲明,佢會有問你有無打過黃熱針,但唔係必須,只係循例問下,無要求你出示黃熱針紙﹗﹗至於馬達加斯加住址,填開入境紙都知,寫返第一晚既住宿名就OK了,不用刻意記地址﹗﹗出發前網路上有人話要住址証明,要回程機票証明,同埋相片,結果係一樣都無問過,不過準備定無壞既﹗﹗ 落後地區,飛機上落都係自己行樓梯 落後地區,落機後自己行入入境大樓(場面混亂,唔係好敢亂影相),基本一步入室內就會見到人潮,只分開本地同非本人,所有外國旅客都係排同一條隊,印象中第一關係先收左入境紙既第三頁,姐係個張健康狀況申報紙﹗然後就會順住人潮去到第二排窗,哩度會對你第一、二頁既資料,然後會問你收USD37或EURO35作簽証收費(30天有效期),收妥後會PRINT一張紙,有你姓名資料,VISA NO,收到後麻煩你就將VISA NO填返落第二頁個欄﹗﹗ 頭兩關都好安全好友善,但到第三關既PASSPORT CHECK就要留意囉﹗﹗出發前係網上睇過有人話會被問收買路錢,目標傾向國內人居多,所以自己係填國籍既時候剎有戒事咁填HKSAR, CHINESE。第三關係兩個矮既櫃台,每邊都有三個人,我有幾個朋友都被留難問攞錢,我地見狀刻意等另一邊窗,關員雖然效率不高,但就完全無做出拎錢既手勢。事後問返遇事朋友,佢話最後都無比到錢,只係等左好耐,其他旅客過哂佢地都未有得過,咁囉﹗﹗ 過埋第三關,佢地就會好認真咁貼張VISA落你個PASSPORTO度 M~~~相信每個落後地方都會有類似情況,係度提,唔係要抺黑,朋友堅持唔比,關員都依然比佢過,又未至於明搶或夾你入房,只係想大家預先做好心理準備,萬一真係遇到都知點處理﹗﹗離境都有類似經歷,容後再談,但整體,我依然選擇相信當地人係友善既﹗ 2) 電話咭,有朋友出發前係香港買左,但係比較冷門既地區,自己都係選擇買返當地咭,感覺比較穩妥﹗﹗之不過,假如係幾個朋友去,我絕對同意各自同唔同電訊公司既電話咭,咁萬一一張接受唔到,都仲可寄望其他收到嘛,唔會一無就無部人一齊無哂網絡﹗ 朋友係香港買到既電話咭 出發前做功課,大部份人都會推介TELMA,話係馬島網絡覆蓋最廣既電訊公司,其實都無乜得揀,你一出機場,過完簽証檢查,出去拎行履,就只見TELMA既櫃台,所以,大部份人都係買佢﹗﹗我地比較遲,要買既團友都買左,所以無詳細問,只知1G的話,收費8歐 ,3G就15歐,除左問你拎PASSPORT,佢仲會影你相,哈哈,我講笑問職員,你係咪諗住約我去街﹗沿途接收良好,的確有出現過香港買既咭收唔到,而只有TELMA收到既情況。 最後要留意既係,有團友係未用哂1G就已經再上唔到網,於是大家懷疑1G既有效日數比較短,我地買左3G,到走個日都仲收到,如果真係諗住落地買就不妨問多句有效日期﹗﹗大部份旅館都無WIFI,又或者好弱 我地係機場買既電話咭,15歐3G 太耐無寫,一講就唔停﹗﹗到底要唔要打針食藥﹗﹖聽日再講﹗﹗