一套叫好座既電影，要有咩原素先可以拍續集﹖你又要忠於原著，依據第一集既基本素材而衍生更豐富既題材，過於遠離第一集，觀眾會覺得唔夠原汁原味，但假如故事性無新意，又會被噓，確實為難﹗﹗ 食店都一樣，依家食店咁多，要吸引到顧客第二次踏足，第一件事起碼你既食物係啱口胃，然後，仲要服務態度、環境、地點便捷，同埋價錢可接受，你食客先會想去第二次，從而變成熟客﹗尋日提過既銅鑼灣同尖沙咀扒屋（食店續集（上）），其實各樣都好理想架，雖然感覺個斧頭扒肉質麻麻，但整體感覺真的OK，所以應該還是會再幫襯（不過短期內未必會）。 最近反而成為左另一間食店既常客，大概係有人太鍾意食牛舌，所以一個星期總會忍唔住要幫襯一次，最好係食店近屋企，價錢又夠街坊，所以近哩幾個星期六都去左幫襯，去到一個程度就係，店員已經認得我地﹗﹗ 街坊生意，價錢都合理 難得小店會有喜之次，但大概係量唔多，早已售馨 築地刺身都吸引，只可惜同樣無綠 其實我地來來去去都係叫咁上下既野，鹽燒雞翼，厚燒牛舌心，刺秋葵，刺身飯之類，啱啱哩次叫多左個刺身拼盤（本來係想叫築地刺身的，但落單時已賣哂）。今次有少少中伏，個燒秋葵老到咬唔開，諗住叫店長反映，誰不知店長一過到泥，我地都未開聲，佢已經話，嘩，點解會咁﹗然後二話不說就幫我地收起，連翻道歉，話幫我地睇下係咪批貨有問題﹗入完廚房返出泥又表示，你地有無第二樣野想食，我換過比你﹗我地最初都諗住係換，點知佢係拎走左我地張單，然後取消左﹗再見到佢，已經係拎住一碟燒菠蘿，請你地食既，唔好意思呀﹗ 今次點多左個蟹子沙律 刺身飯，兩個蝦都好鮮甜 自選刺身拼盤，三文魚腩夠肥美，文甲特別鮮甜脆口，帶子海膽亦唔錯 燒三文魚壽司，雖說係小店，但個壽司飯握得好好的說 雞肉串，香口嫰滑 每次都有鹽燒雞翼 繼續係燒牛舌心，繼續好味 雖然今次個秋菜老到咬唔開，但店長既即時反應，完全係加哂分 店長送既燒菠蘿 今次雖然遇到有難食既秋葵，但店長既反應完全係加分之作﹗呀，唯一要挑剔既，係個海膽﹗佢地係用加拿大海膽，但食開既人都知，加膽6-9月唔係好季節，出面一般賣開刺身既地方，因為係繁殖期，哩個時間都唔會買到，奇怪佢地係咁推，我有問過店員，不過店員死都話哩個係最好既時節﹗如無意外，今個星期六會再去，等我搵機會問下店長先得﹗﹗
