上一篇:迷失。荷。比。盧(九) 4月27日,對荷蘭人泥講係一個好重要既日子,大概亦因為哩個原因,哩段期間既酒店住宿都比較緊張﹗唔單止荷蘭人,連世界各地既人都會爭相係哩段時間跑到荷蘭,特別係阿姆斯特丹湊熱鬧﹗﹗個朝到旅館大堂拎早餐包既時候,職員已經問,你地會唔會出去湊熱鬧,又問我地係咪一早就知﹗當然啦,要不都唔會揀個咁貴既時候留係AMS﹗ 到處都係慶祝既人 到處都係慶祝既人 難得好天氣 難得好天氣 荷蘭人不愧為全世界最高人均身高既國家 中央車站熱鬧非常 一大清早大家就以酒精同勁歌熱舞迎接國王日 水霸廣場當然係擠滿慶祝既人 小孩都可以趁機玩下 呀,有關荷蘭國王日,曾經疑問過,點解要著橙色衫慶祝,而唔係著荷蘭既傳統服,後來上網搵過下(哈,係呀,去完旅行先搵資料),原來WILLIAM ORANGE,所以就用左橙色﹗一早出門,著住預先準備既橙色風樓,連旅館職員都意外居然我地會有準備﹗ 正因我地著哂橙色衫,沿途都會有當地人走埋泥搵我地玩,難免會攬下抱下咁﹗而作為一個遊客,實在好難分辨到底對方既來意,所以玩之餘,都記緊要小心保管自己既財物﹗無論你身處世界任何一個地方,都有機會會遇到趁亂搵食既扒手,所以假若你真係同陌生人有接觸,都唔好掉以輕心,以免有財物損失啦﹗﹗沿途需然見到好熱鬧,有人勁歌熱舞,有人盛裝打扮,亦有巡遊表演,但亦見到四圍都係警車巡警,亦有人半路要向警員救助。玩之餘都要學識保護自己既﹗﹗ 偶爾會見到有遊客向警車救助 警員一直高度戒備 玩左一日,大家都倦,借機搭便車 有人貪得意買左件衫湊熱鬧 行左一日,總算可以休息一下 行左一日,查實倦到爆炸,但一場泥到AMS,無理由唔去凡高博物館參觀,所以又預先預約左當日黃昏既參觀時段,不過就唔記得左,當日既市內交通都因慶祝活動路而取消了。平日有車搭又唔搭,到當日倦到爆想搵車搭先又發覺無得搭﹗成日話日行三萬步,當天又點止三萬步﹗﹗不過總算係完美結束荷蘭之旅。 凡高博物館 凡高最擅長自畫像 展館入面既佈罝都好有心思 IAMSTERDAM,打咭熱點 IAMSTERDAM,打咭熱點 荷蘭人特別鍾意食薯條,排到夜晚9點幾都仲有人排 前一日買定既食材 人老左,去到外國都係鍾意自己煮個菜 繼續湯意粉 煮完食完洗完,仲要執行履同寫明信片 唉,玩左一日,個人又臭又倦,但又唔想係出食,而且第二朝就要離開AMS向馬斯垂克出發,之前買左放係雪櫃既野食點都要食埋佢,於是又返住處煮,其實都只係簡單煮個菜,湯意粉同煎個扒。自己煮其實唔會比出面食平好多,只係年紀大左,想食啲濕潤既餸菜﹗煮完食完,再清潔埋個廚房,就要開始執行履﹗仲有既就係要寫好哂啲明信片,準備離開AMS先寄出﹗﹗