上一篇：迷失。荷。比。盧（十） 經歷完4月27既荷蘭國王日，又要準備起行，向荷蘭最南邊既城市 - 馬斯垂克出發﹗真係好好彩，國王日叫做全日好天，慶祝過後，一起身就係細雨紛紛。 係AMS最後一天既早餐 係荷蘭好經常會幫襯既超市 雖然講起朱古力會先諗起比利時，但其實有啲口味只有荷蘭先有架 之前留宿咁多日，成日話搵唔到廁所，點知走去火車站，又突然見到火車站外有一排既流動廁所﹗到底係之前發雞盲﹖定係因國王日新擺既哩﹖ 去到火車站買郵票，先發現郵票都可以有海鮮價 臨離開AMS之前寄出第一批明信片 離開AMS，向馬斯垂克出發 買完手信，好彩雨勢開始減弱，行去火車站都無咁狼狽。行到去火車站門外，忽然發覺有一排流動廁所，真係撞鬼一樣﹗之前留宿咁多日，成日都話係街搵唔到廁所，點知到臨走哩一日又見到一排擺哂係火車站外，到底係之前鬼掩眼，定係因國王日而新增既哩﹖﹖真係不得而知﹗上火車前，怕去到馬斯垂克因周末而無法寄出明信片，於是係火車站買好郵票，先寄出先去搭火車﹗﹗真係人生第一次，係火車站買郵票，先發現同之前係鹿特丹所買既價錢唔同，明明係一模一樣既郵票，但售價不一，真係寄咁多次明信片都無試過﹗﹗奈何﹖﹗對旅客泥講，基本係完全無反抗既能力﹗（明信片事件簿） 係AMS CENTRAL有INTERCITY火車直達馬斯垂克，大概要2個半鐘，下午3點左右，總算到達哩個荷蘭最南邊既城市，約好左屋主係民宿等，兩個人又係毛毛雨既天色下，拖住喼去搵當晚既住處，好彩都容易搵。（馬斯垂克住宿篇） 馬斯垂克除左國鐵，仲有私鐡 馬斯垂克車站 當晚所留宿的地方 由荷蘭去盧森堡，揀左馬斯垂克作中途站，多少係因為佢既夜景﹗另外，作為三國（荷蘭、比利時同德國）接壤既地方，馬斯垂克 - 荷蘭最古老既城市，周圍仍然遺留好多戰爭時期既痕跡，防衛用既城牆，大炮﹗同時，哩個小鎮有天堂，亦有地獄﹗好多遊客會冒名而來，參觀一座由教堂改建而成既天堂書店（Boekhandel Dominicanen），亦有當年擋隔黑死病既第一道護城牆 - 地獄之門（Helpoort）。 離開住處，過橋所見既依然係城市既面貌，會先經過一個大型商場，行過市集，係市集買左當晚既燒雞﹗印象中，到訪荷蘭多天，第一日見到有燒雞賣（哈哈﹗歐洲時最廉價既美食）。繼續向舊城區走，就會見到天堂書店，相信，書店內大部份都係遊客，唔多人睇書，但都好守規矩，好安靜咁四圍影下相﹗本來書店外觀都好靚，但都被包圍了，唔係好影到全貌﹗然後係聖瑟法斯教堂（St. Servaaskerk）同聖揚教堂（St. Jankerk）。 同其他歐洲城市一樣，最主要既景點都係舊城區 好彩係夏天，日照時間長，可以慢慢四圍行下影下相﹗﹗（待續）
