好友突然約食晚飯，但要係周五晚既銅鑼灣搵食，談何容易﹗好彩朋友有一相熟既居酒屋，於是又拜託安排一下﹗ 耀華街唔係大街，但就聚集左好多食店，大概係租金比較能接受，所以無論係街舖酒吧，定係樓上食店，哩度都好多選擇﹗引伸既問題就係，連搭電梯等上食肆都要大排長龍﹗﹗好彩大廈管理員幫忙分流，大概等左十分鐘左右就入到電梯，同好友邊傾邊等，都唔算太難受﹗﹗雖然叫做訂左位，但星期五晚既銅鑼灣食店，真係點都要等一陣，都係個句啦﹗小店假如無客似雲來，假如唔使等位，恐怕就難以維持落去﹗所以等下都未嘗唔係好事既﹗ 已經係第二次幫襯，上次印象良好，不過今次就子似有少少差別啦﹗﹗ 上次最深印象係哩個開胃前菜 餐廳老闆聽聞係單車人，所以店內有靚靚單車擺設 餐廳用環保餐牌，點單後抹乾淨可重用，讚 上一次食過既黑松露帶子，記得係好好味既 朋友最愛既薯餅 鹽燒雞翼，上次睇樣都知好食 燒牛柳串，上次明明好鮮嫰架 事隔一年再次到訪 今次都有點帶子， 飲品好靚啊 繼續薯餅 個饅魚飯有少少失望 朋友係菇菌類既愛好者，所以來一客燒黑菇，唔算特別香口 雞軟骨，不過不失吧﹗ 牛舌心，好香黑椒，但無肉香，肉質唔夠爽口，仲有筋添 邪惡包，入面係鵝肝，幾有心思 燒京葱，不錯 睇返資料，原來上次去差不多係一年前既事。印象中食物唔錯﹗不重事隔一年後再訪，饅魚飯雖然係石鍋上，但唔夠香口，好知道係係電飯煲煮完放入去，所以有點糊既感覺，饅魚太乾﹗牛舌心，係香港真係無幾多間好食，除左早前提過天水圍個間小店之外（天水圍好味牛舌），確實，佢有好香既黑椒味，但無炭燒香味，無肉香，不但唔夠爽口，仲有筋添，來貨係一個問題，處理手法亦係一個問題，無燒過所以無油脂分秘出泥，當然唔爽口﹗﹗其餘上次食過牛柳串，今次亦確實有點強差人意，肉質不夠新鮮，口感很老的說﹗﹗不過佢地其中一個招牌菜，邪惡包（鵝肝）又確實係好有創意既﹗﹗朋友訂位時，店主話無刺身供應，但上到去又見到有﹗唔知係咪因為星期五晚太忙，今次整體感覺比起上次來得無咁好﹗﹗唔算係差架，只係無咁好姐﹗﹗希望下次會有改觀啦﹗﹗
