自己習慣用食物袋，貪佢夠輕夠方便，但每次用都會遇到有趣既問題﹗ 例如：直接放落去﹖ 係呀，如果唔係你想點放﹖﹗（見過有人會連包裝/膠盒放入去，咁我做咩要拎多個袋哩，真係不解﹗） 放得野食架﹖係呀，查實任何野都放得野食，只要乾淨就得架啦﹗ 會爛架喎﹖我自己食之嘛，到最後都係爛架啦﹗你放入膠袋比我咪一樣會爛﹗ 唔知點解個個好驚見到個食物袋 唔怕油咩﹖會洗架嘛﹗﹗ 點洗呀﹖拜託，哩個係一個袋泥，內層仲可以抽出泥，咪咁洗囉﹖你會唔會懷疑你塊碗布點洗﹖會唔會問個盒點洗﹖個杯點洗﹖﹖點解，大家都鍾意問環保器具點洗﹖﹖同環保相關既野唔會變左神級，都一樣係用正常方法去洗既姐，呀嘛﹗﹗ 呀，尋日啱啱聽到有人問，洗完好大陣洗潔精味，點算﹗﹗救命，你平時係屋企食飯，發現個碗仲有洗潔精味，又會點哩﹗﹖姐係証明你洗得未夠乾淨囉﹗咪再洗過囉，同埋，姐係話你知你落得太多洗潔精啦，哩個亦係點解叫你唔好用化學清潔劑清潔囉，你覺得洗完好乾淨，但殘餘物食落肚，到底係邊個受先﹖﹖食落肚既野，都係盡量避免化學野好啲﹗﹗對此，我對個啲問，個袋放唔放得入洗衣機既洗既人亦感好奇，無錯吖，個袋本身設計係講明放得入洗衣機，之但係，裝野食架喎，點解要放入洗衣機哩﹖﹖ 講開清潔劑，又不如講下廢油梘 講開清潔劑，查實自己習慣用熱水洗野，咁就基本唔使用任何清潔劑，又乾淨又方便，但萬一有時真係太油膩，都會落啲梘洗，於是又有人問，廢油梘點用架﹖﹖唉吔，唔好咁啦，做咩姐﹗你無用過番梘咩﹖咪咁用囉，好似沖涼咁，你鍾意直接用舊梘擦落個身度又得，先將梘擦落布，再抹落身亦可﹗洗碗都係咁用既姐，點解要問﹖﹗ 大家係咪生活得太累，對於生活細節，就停止思考﹖ 摺摺便攜杯 好似最近換左摺摺杯，方便出街買野飲﹗當然係有人問，點洗啦﹗﹗唉，其實大家都真係好注重清潔架﹗然後會有人問，個杯係咪防漏架，首先，佢係一個杯泥，如果佢可以做到完全防漏，佢應該叫壼，的確，個人覺得佢防漏存氣做得唔錯，但我唔會敢叫你放入袋任佢碌來碌去囉﹗呀，因為佢有飲管，又會有人好有趣咁問，如果唔用飲管點算呀﹗佢個蓋掩係活動架，唔用飲管時可以蓋好﹗而且你用其他杯既野候又會點哩﹖即使真係有個飲管位，你都係咁用架啦﹗﹗點解要問﹖ 唉，奇怪問題真係千奇百趣﹗
