上一篇:迷失。荷。比。盧(四) 如是者,又係AMS住左兩晚,近年既旅程都係鄉郊為主,今次主要都會係大城市,感覺有尐失落,所以即使係短短兩日一夜,都想去羊角村走一趟,不過就有少少技術性問題要處理﹗﹗我地會係羊角村住一晚,然後折返AMS。而由AMS出發去羊角村都有段距離(羊角村交通),火車轉巴士,唔想推住行履箱搵路,之但係唔拎入村又要點安置哩個兩個篋哩﹗﹖ 一般情況下,酒店都肯幫忙寄存行履幾日既,但係AMS頭兩晚既酒店精簡得咁緊要,未必肯架喎﹗結果,到CHECK OUT當天打聽,答案真係唔得,佢地可以幫客人保存幾小時,但假如要過夜就無人手亦無地方﹗於是,兩個人就論論盡盡咁推住個行履由車站既一邊走去另一邊,姐係我地去完羊角村再返AMS所入住既酒店問下(AMS住宿二),其實係有尐冒險架,應該之前一早問,只係我地兩個都懶,拖到離開當天先跌跌撞撞﹗好彩,第二間肯啋我地咋﹗寄存行履既問題解決左,咁就要解決交通問題﹗ 雖然明知由STEENWIJK去羊角村,無論係車費同時間都比較好,但我地其實係係ZWOLLE過去架﹗原因係懶﹗﹗ 同樣時間出發,一個係係ZWOLLE就上巴士,另一個就再轉多程車過STEENWIJK 同樣時間出發,一個係係ZWOLLE就上巴士,另一個就再轉多程車過STEENWIJK 自己搭過,即使唔睇車費,光從轉車時間方面已經真心覺係STEENWIJK轉車會比較好,轉車時間比較充裕﹗諗返起個日真係有尐冒險架,只有五分鐘轉車時間,萬一火車延誤,萬一出左閘搵錯方向就已經死梗,實送車尾﹗個日我地係啱啱好夠時間去到巴士站架咋﹗所以,除非你既OV CARD唔夠錢,要係ZWOLLE充值(ZWOLLE站頭比較大,會有票務中心,STEENWIJK係無人車站),要不,都係去STEENWIJK轉車好尐﹗﹗ 入到村,又風又雨咁,都有尐狼狽,好彩民宿都近(羊角村住宿),好快就搵到﹗﹗而且開始放晴,雖未至於好好天,起碼無落雨已經好好﹗屋主話天氣報告預測第二朝個天會比較清,建議我地第二朝先出船去玩,當日就隨意係村裡觀光就算﹗我地都心大心細,先向屋主租左兩架單車出去四圍玩下先﹗﹗ 同屋主租左單車係村入面四圍玩下 屋主有兩款單車,佢見我咁既高度,建議我地用CITY STAR會好尐,而且真心既,假如單車技術一般的話,都係用走的比較好﹗村入面既行人路唔算闊,仲偶爾要過木橋,我地到訪期間又遇到有修路工程,假如平時係香港只踩開單車徑,唔好勉強﹗ 我地係村入面繞了一圈,諗住返大街既超市買餸﹗路過見到一間食牛肉面既舖頭,又食左先算﹗店主係中國人,所以餐牌、招牌都係中文字﹗收費大概係10歐左右一碗面,算是可接受吧﹗ 紅色既中文招牌,在遠處一眼就能認出 10歐左右一碗面,算是可接受 味道算是不錯 味道算是不錯