方塊屋係鹿特丹既特色建築物之一 又開始頭痛，有時真係好想打開個腦睇下到底有咩壞，到底點先可以唔痛﹗﹗ 既然食左藥都無效，咁就不如又從頭講下故仔，希望可以分散注意力﹗ 話說我地4月21號凌晨，搭國泰新開既直航航班由香港向比利時既布魯塞爾（BRUSSELS）機場出發，機程大概為11小時﹗之前既旅程經驗，基本已經習慣長途機既模式，加上係凌晨機出發，一上機就可以訓，比較容易調整時差﹗﹗每個人習慣唔同，身型矮小既我，可以蜷縮係坐位上，好快就可以進入睡眠狀態，同行既大叔過往都會投訴訓唔到，但依家只要幫佢準備好眼罩、耳筒同頸枕，佢都可以舒舒服服咁訓到落機啦﹗ 一切如期進行，到達布魯塞爾機，拎埋行履都未夠八點，去票務中心買埋RAIL PASS（比利時交通篇）同前往荷蘭鹿特丹既車票，可以準時搭到8.42既班次。 ROOSENDAAL係一個比利時同荷蘭必經既車站，依家有新既優惠券經哩個站穿梭兩國 長途車一般會有小食同飲品賣 本來預計十點左右可以到達鹿特丹中央，結果搞到十二點先到，好彩既係入住既酒店就係中央車站附近（鹿特丹住宿），放低行履，稍作休息後就可以繼續行程﹗時間既關係，我地決定先去附近既台夫特（DELFT）行下，入夜先再返鹿特丹市中心行﹗﹗而去台夫特，就要先買OV CARD（ 荷蘭交通（一）/（二）/（三））。 一到台夫特車站，就見到滿地色彩斑斕既鬱金香 無諗過，原來係荷蘭都可以賞櫻 由鹿特丹中央搭火車過台夫特，只需十五分鐘車鐘，之不過，點解要過台夫特哩﹖
