早前提過，依家四圍都係餐廳/食店，到底點樣先可以吸引到客人食完第一次，然後再泥第二次、第三次，從而變成熟客哩﹖﹗（食店續集上/下） 除左食物味道，食店環境/佈置，店員既服務態度之外，其實，係朋友間既受歡迎程度都係一個重要既原素﹗﹗自己鍾意一間食店，同朋友食飯當然都想推介一下，希望得到朋友既認同，之但係，假如唔啱朋友口味的話，佢陪得你幫襯一次，下次就自然會反對﹗又或好似我咁，身邊朋友大多都鍾意試新野，要佢地去同樣既餐廳食第二、第三次，佢地一般都會悶，會投訴﹗﹗ 自覺幸運，身邊都好多朋友肯陪我食素，約飯局時大家會主動建議食素菜﹗最開心既係，其中一間自己好鍾意既素菜館，老闆娘差不多每個月都會推新菜單，所以朋友們都好樂意陪我食﹗好搞笑，今個星期一先同朋友係哩間餐廳食完晚飯，離開時收到短訊，係另一班朋友約星期四晚食飯，地點就係同一餐廳﹗﹗我搵老闆娘訂檯個陣，都笑住同佢講：今晚個餐都未落格，但又要訂星期四晚個餐啦﹗﹗ 無刻意同朋友講話我啱啱食完，怕佢地會唔好意思而改建議改另一間，難得朋友們都鍾意，當然要多多支持咁用心做素食既老闆娘﹗﹗食物品道又好味，絕對唔介意一個星期食兩次呀﹗ 印象中，午市個餐牌就基本不變 印象中，午市個餐牌就基本不變，但係銅鑼灣HKD88食個LUNCH，仲包野飲，抵啦﹗﹗因為都食過子幾次午餐，加埋朋友食個啲，原來都試得七七八八﹗ 如無意外，哩個應該係A掛，羅勒車厘茄乾蕃茄意大利麵 哩個應該係C啦掛﹗黑松露磨菇意大利麵 哩個就一定係D，日式海苔蟹味菇意大利麵 哩個就係自己既至愛，辣豆乳芝麻野菜意大利麵 午餐餐牌基本不變（懶搵返再之前既相，應該係掛﹗）但晚市餐牌，據老闆娘講就盡量一個月變一次，啱啱食 6月個陣個餐牌 星期一晚食完，應該今晚都係一樣 老闆娘既漬物可謂一絕，記得上次係苦瓜，今次哩個熱情果冬瓜，朋友事先無睇餐牌，邊食邊問係咩泥，點解質地咁爽口，仲以為係生果 紫薯凍夠軟滑，海苔蛋卷夠鹹香，蕃茄醬脆餅就夠惹味，清新開胃 爽口既青木瓜沙津，夏天食哂哩幾個前菜，完全消暑解悶，胃口大開 南瓜甘荀湯加左羽衣甘藍，香甜得泥又帶點清爽 依然係老闆娘既得意之作，炸薯球 香滑又充滿黑松露既薯球 牛蒡絲拌蕎麥麵，令面條更加爽口清新 生果果凍 或者係自己懶，所以對於完全唔使自己揀，餐廳會按序上菜既做法非法歡喜，可以自在咁同朋友慢慢傾計。今次個餐牌，相信係老闆娘特意為夏天而設計既，全部都係清爽開胃既食材﹗﹗ 呀，老闆娘既巧手，原來係遺傳架，話說有一次既午餐食過老闆娘媽媽整既糯米糍，就一試難忘，上個月冒昧訂左十幾個，仲預先放底盒比老闆娘，咁就可以無塑消費啦﹗﹗返到屋企，有人一野就食左四個，朋友們當晚就已經秒殺清哂﹗﹗ 糯米糍太好食，自備盒去買 糯米糍太好食 素食新寵 滋味素食 繼續滋味素食
