自備杯平4蚊 明明係落雨天，但仍然覺得好熱，坐係室內都係咁流汗。唔單止熱，仲好倦，唔知係咪作病。 哩兩日見左好多朋友，認識既，唔認識既都有，不約而同咁講到環保。有人以健康為名，選擇各類有機食品，但就忘卻了碳排足蹟，更加唔會理會一大堆既過度包裝。佢地會覺得，自己食左有機就健康，環境健唔健康，地球健唔健康對佢泥講唔重要。 有人覺得買一大堆環保產品就係環保，買左唔用既有，買左唔見既亦有。當然有更多既人會覺得，做過下分類回收就係環保小先鋒，但問其分類準則，卻無法回答。更別說源頭減廢。 每個人對環保既定義唔同，準則各有不同，著眼點當然亦各有差異，其步伐大多不同，每次講環保議題都會感到百般無奈。 環保?最實際最有效就係同金錢掛鈎，你只要話佢知環保可以平尐，可以幫佢慳到錢，就一定肯做。。。 你想做既，無論幾難都總有辦法去做，唔想做既，就實有九萬幾個理由同你講點解唔做。錢，亦遠都係最好既催化劑。 唔記得講，尋日拎左電腦去整，今日已經收到通知話整好，好有效率哩。。。維修，也算是種環保
