本來諗住寫埋盧森堡同比利時既住宿，但係發現部Notebook個接合位又開始有問題，唔放心既情況下都係盡早拎返去維條中心睇睇佢會好啲，於是，又會有幾日無手提電腦用。 問心，真係變左老人家，依家無咁習慣用電話寫Blog，我都唔知點解會咁，以前拎住古董電話，未可以係電話用倉頡輸入，都不知幾樂意係個電話撳撳撳，打水蛇春咁長既SMS，但年紀越大，變得無咁鍾意係電話搵資料，如果唔趕時間，最好拎到部電腦，有KEYBOARD，有MOUSE就最安樂。 或者，係電腦UPLOAD相又方便尐掛，總之係部手機就周身唔自在啦！ 用緊個部TOUCH SCREEN既手提電腦，原來都已經係14年買既，貪佢有TOUCH SCREEN，有時執相會方便尐。睇返資料，舊年6月已經整過一次，當時都一樣係接合位出現問題，摺埋個陣跌咁尐配件出泥。 事隔一年，同樣情況又出現，唔同既，只係舊年未過保養，今年過左，要比錢維修。 唔夠一年又係同一位置爛，咁好明顯應該係我既使用方法有問題，於是今朝忍唔住問幫我登記個個職員，其實姐係舊年個個哥哥。原來真係我既習慣問題，平日開電腦，我好鍾意係角位揭開，哥哥話，依家既手提電腦太薄，假如唔係係中間位打開，而係係角位，久而久之個MON既接合位會側移，於是就會出現接合位爛。 都用左4年，有掙扎過不如買過部新既，但部機既性能其實仲好好，覺得未有必要換。。。或者係慳錢，或者係環保，總之，只係想珍惜資源。。。 有人叫完走飲管，但跟手入商場前拎個塑膠遮袋，有人高呼愛護環境，但跟手上淘寶訂一大堆衫，仲要話舊衫會拎去回收。 每個人既環保步伐都唔同，最緊要既係，言行合一。。。 相關閱讀: 售後服務
