本來一程火車，被迫要係中途轉巴士 中途要轉搭巴士 中途要轉搭巴士 巴士一到盧森堡就落大雨 盧森堡中央車站 由車站正門出轉右直行 會路經超市 酒店大門同商場共用一架電梯 酒店接待處係二樓 酒店接待處係二樓 由接待處經過長走廊就會到房間 平台有露天的茶座 酒店房間都夠闊落 酒店浴室有方便輪椅既設施 酒店早餐算係多選擇 早餐居然有杯面供應耶 酒店早餐可外帶咖啡 酒店早餐都多野食 舊城區既風景 到達當天同離開都間斷咁落雨，第一晚返到酒店仲行雷閃電，本來想第二朝離開前四圍影下相，但大雨到根本攞唔到相機出泥，無認真咁認識盧森堡既風貌，實在有點可惜﹗﹗不過住宿都唔錯，近車站，亦近其他景點，加上盧森堡係金融國家，人民比較富裕，四圍感覺都好安全，入夜係舊城區行返酒店都完全唔使擔心治安問題﹗﹗酒店除左環境舒適，加分既係佢對輪椅客人相當友善，大堂連接去房間既通道有斜台，入到房，浴室既廁所、淋浴間全部都係有方便行動不便既人既扶手，鏡亦可調校角度，方便坐輪椅既人都可以由低角度照到﹗ 後來我向酒店職員打聽，係咪間間房都有相同設施，職員話因為UPGRADE左我地去大床，而大床房就一定係有方便輪椅人士既設施，每層只有兩間咁既房，但已經相當足夠﹗﹗職員仲擔心我係唔鍾意，不停問係咪對我地做成不便﹗﹗真係難得有心既酒店﹗﹗ 第二朝既早餐亦相當出色，印象好似係我地整個旅程最豐富既一間，仲有杯面供應﹗﹗咖啡亦可自助外帶﹗樓下有幾間商舖，賣衫賣鞋賣日用品既都有，仲有一間超市，第二朝因為太大雨，淋到一隻泥鴨咁都無心機影相，於是就改左去行超市買手信﹗﹗
