馬斯垂克係小鎮，ARRIVA係主要既交通工具 由AMS過馬斯垂克，有NS既INTERCITY直達（約2.5小時），但亦有可能要係中途轉ARRIVA，出發前記緊要留意使唔使中途轉車。馬斯垂克因為鄰接幾國既邊境，所以曾經係軍事重鎮，每似打仗都會被虎視眈眈，當年既歐洲聯盟條約就係係度簽訂既，故亦被稱為馬斯垂克條約。 馬斯垂克既然係荷蘭最古舊既城鎮，當然點都仲會保留左尐好古舊既建築物，我地選擇係度留宿一晚，多少都係為左哩尐建築物，而其中一個係13世紀落成既聖瑟法斯橋（SINT SERVAASBRUG），既然要影夜景，最好就搵一個夜晚出入方便又近景點既住宿。 由火車站行去住宿大概要10分鐘，由住宿行出去影相位就大概5分鐘 馬斯垂克火車站 按屋主指示，一出火車站右轉，沿住巴士站直行 直到見到哩個車站就左轉過馬路 轉左之後，離遠會見到一座類似教堂既建築物，一直朝住佢行就啱架啦 泥到哩度就要過馬路轉右 係度繼續向前行 會路經一間印刷公司，哩度可以寄信 繼續朝注河既方向行 泥度哩度係橋底轉右入去就會見到啦 住宿好近河邊既AIRBNB，屬於私人住宅區，方便我地夜晚沿河邊慢慢影相﹗GOOGLE MAP教一出火車站後過對面馬路行兩個街口然後右轉，而屋主就教我地先右轉直行先再向河邊行兩個街口，其實都係一樣，沒差﹗﹗ 從火車站正門出，右轉會係巴士站，一直見到一個P+R既車站就左轉過馬路。離遠會見到一座類似教堂既深灰色建築物，其實佢係東正教堂泥，一路朝住哩座建築物直行到底，係分叉路口就轉右，向河邊方向繼續走，臨到河邊會見到一個橋底，AIRBNB位置就係橋底右轉入去﹗﹗屋主會事先同你約好時間係大門口等，然後帶你入大廈﹗﹗再重申一次，哩度係私人住宅，假如租住的話，出入最好自律保持安靜，以免騷擾其他主客﹗﹗入大門要行幾級樓梯，而AIRBNB就要再上半層樓梯先到。 要行幾級樓梯 會經過其他住客既屋企，所以出入記住要自律 一個舒適既小套房，推窗望出去就係內街既馬路 小廚房設備都齊存，除左無鑊剷之外 屋內佈置 洗手間都好乾淨，不過舊樓始終會有少少去水渠既味道 推窗所見既景色 一個光猛舒適既小套房，住宅係內街，即使推窗係馬路，都依然寧靜，清幽舒服，唯有美中不足既係去水﹗相信住宅既樓齡有點老，所以洗手間會有少少去水渠既味道，水壓亦覺有點不足﹗﹗只住一晚，我覺得可接受﹗﹗收費HKD1,200左右，屋主仲好慷慨咁為我地準備左免費紅酒同埋一尐小食，所以整體依然覺得值得推介﹗﹗ 由小套房外出就已經係河邊（手機相） 留宿當晚有點微雨（手機相） 聖瑟法斯橋同默茲河既夜景（手機相） 相關閱讀：車票的疑惑
