羊角村有荷蘭威尼斯之稱,縱橫交錯既運河會提供數之不盡既倒影場面,亦有大大少少既木橋,而最吸引我地既,莫過於猶如童話世界既小屋﹗ 落左巴士後大概行十五分鐘左右就到民宿 搭70號巴士去到DOMINEE HYLKEMAWEG站落車,巴士沿途都有屏幕顯示站名,唔使驚唔識落車﹗如果巴士係由STEENWIJK出發,落車後應該就要過馬路,會有間幾大既餐應,河邊會有觀光船,沿路都係餐廳、店舖,仲有超市同旅客中心,哩度應該算係羊角村比較熱鬧既部份,所以好多民宿都會係哩邊﹗ 不過我地鍾意靜,所以就揀左住係村入面,落左車一路沿住運河行,經過羊角村博物館,好似要過多一兩條小橋,就會搵到我地所住既民宿,由巴士站行過泥,大概要十數分鐘﹗﹗ 羊角村大街既景況,不過哩個係離開既方向 見到哩間餐就轉右 跟住就應該見到羊角村博物館 繼續向前行應該會見到哩個指示牌,過第一條小橋後靠左行 然後會見到哩個雕像,過埋前面個條小橋,轉左就到 過埋第二條橋就見到民宿啦 入閘後第一間係主人MARTIN同太太住既地方,再向前行後面個間先係比旅客住既﹗﹗所以完全自主 小村莊都是這樣,屋主就咁插條鎖匙係門口 從閣樓所見的飯廳同客廳 有廚房,晚餐可以自己煮 舒適的房間 閣樓仲有兩張床 偌大既浴室 仲有浴缸添 廁所同浴室分開 雖說荷蘭人係全世界人均身高最高既,之但係都唔使高到我照唔到鏡掛 使唔使咁高哩﹗ 淋浴間 如果唔怕大風可係後園欣賞運河的景色 推門出後園就可以開船出去玩,電船,唔使牌,不過當然要先同屋主租用啦 屋後的景色 全屋都是寶藏 全屋都是寶藏 全屋都是古董 除左坐船,仲可以踩單車細味羊角村既每一角落,我地同屋主租用既單車 開船欣賞沿河既風景係羊角村必做事情之一 清晨係民宿望出去既景色,不過逗留期間真係好大風 屋主一早約好早餐時間,依然就放係門口等我地自己拎 好豐富耶 民宿主人MARTIN本身係阿姆斯特丹人,佢話都係因為市區房價太貴,於是把心一橫同太太搬到鄉交生活。佢地自己住一個獨立小屋,除左我地租住既一間,鄰則應該仲有一間。佢地話搬泥既時候間屋係破爛不堪架,所以真係全部拆過哂再復建,花左好多心思同功夫。但小屋裡裡外外都保留左好多原有既用具,感覺好似入左博物館咁,好有趣﹗﹗ 我地租主既小屋有個小閣格,可住四人,我地租住前講明只得兩人,所以收費係唔計閣樓既,我只係上去影左張相,都係自律啦,人地信你,旅客都要做好本份﹗﹗我地租住一晚既費用係EURO155,假如想租船玩的話要另加45歐(好似),單車就每人10歐,不過屋裡既WIFI唔算接收得好好,就好好享受寧靜既鄉郊旅程吧﹗﹗住宿係包早餐,MARTIN一早問左我地幾點想食早餐,然後係約定時間就靜雞雞咁放左早餐係門外。感覺真係好好呀,一早起身就有早餐食,好豐富好美味。 屋主兩夫婦都好好人,好友善又健談,入住同離開時都傾左好耐,除左觀光資訊,又傾下荷蘭既生活,傾下香港既話題。都係個句,每間民宿既主人要自己打理,仲要對旅客貼心周到,其實唔係必然架,希望旅客都可以將心比己,好好珍惜同保護屋裡既所有,同保持環境清潔﹗ 屋主仲有一對可愛既白色小貓咪 相關閱讀:羊角村交通篇