係荷蘭逗留左9日（4月21號到，29號離開），全程交通都係用OV CARD，唔會有特別優惠，純粹只係為減省每次買票，大概係係香港慣左用八達通，習慣上車落車都係就咁拍咭過﹗ 唯一一段感覺有OV CARD好似抵左既係由ROTTERDAM去AMSTERDAM既一段。 同樣係由鹿特丹去阿姆斯特丹，點解車程會有所分別哩﹗﹖ 上車前搵班次資料，發現同樣係由鹿特丹去阿姆斯特丹，同樣都只係INTERCITY既車程，但點解車程時間會有分別﹖﹖原來仲有一種車叫INTERCITY DIRECT，意思姐係停站較少，所以車程會較短。之但係，快尐係要付出代價架，車資係會比較貴﹗﹗所以，上車前真係望清楚月台，望清楚車種，唔好諗住反正目的地一樣就亂咁上，萬上遇到票務員查票會被誤會作逃票耶﹗ 快車既代價係要比多尐錢 由鹿特丹去阿姆斯特丹既車資係15.4歐，快車要另加2.4，但我地用OV CARD，咁點算哩﹖哩種快車係路經SCHIPHOL AIRPORT，大概係方便一班機場既客人，所以增設快車，假如你搭左哩種車，就要係SCHIPHOL AIRPORT個個站買多一張2.4既TOESLAG TICKET，假如用OV CARD，就要係月台拍多次咭﹗ 假如搭INTERCITY DIRECT，要多付2.4既TOESLAG 關鍵就係哩度啦﹗﹗假如你用OV CARD，本來2.4就只需1.4，但最妙既係，我係AMS出閘個陣，車資只收左14.1，加埋TOESLAGE，換言之，我地由鹿特丹到阿姆斯特丹既車資，全費只係15.4，唔係17.8（15.4+2.4），唔係16.8（15.4+1.4），而只係15.4，其實我係搞唔通點解咁收架，我地明明搭左快車，明明基本車資係15.4，點解出閘佢又只收我14.1，不過是但啦，反正本來就唔諗住會有優惠。 總結係，買OV CARD只係為左唔使次次搭車買票，而唔會有任何優惠，反而仲要比多7.5既成本﹗假如你只係打算係阿姆斯特丹同鹿特丹既城市內活動，基本無必要要買OV CARD，除非好似我地咁，都會去下附近城市，又會搭下巴士同電車，又唔想次次買票，就可以考慮買一張﹗ OV CARD本身唔預你搭火車，假如你需要用OV CARD搭火車，最好係火車站（NS TICKET OFFICE最好）買，咁票務員一般都會問埋你要唔要啟動搭火車功能，啟動功能前要選擇到底你會以1ST CLASS 定2ND CLASS既車票收費，咁你每次入閘，票機就會自動收取你所選類型既收費﹗﹗ 講開OV CARD搭火車，都唔怕長氣講埋，一般火車都係INTERCITY，記住仲有一種叫INTERCITY DIRECT，上車前記住先了解清楚車資要唔要加錢﹗﹗另外經常會搭既係SPRINTER，站數會多尐，車程會耐尐，車資就好似無分別，因為收費只係依據你由邊個站去邊個站﹗ 呀，荷蘭除左荷蘭國鐵（NS），仲有幾間鐵路公司，實際有幾多我無做功課，只係沿途有見到轉車站既標示﹗ 其中一間私鐵BLAUWNET 9292既網站
