荷蘭既OV CARD類似香港既八達通,搭巴士、電車同火車等公共交通工具都可以用到,好似連租單車都可以,但佢既費用要7.5歐,哩7.5係完全無得退款,亦唔包含係交通費入面,OV CARD亦無任何乘車優惠,咁,點解我地仲要買哩﹖﹖ 荷蘭既OV CARD,所有公交都適用 出發前,係網上睇過幾篇關於OV CARD既文章,有好幾個人都話用OV CARD搭巴士會平尐,假如你上車買票會收車資既全數,而用OV CARD哩,因為上落巴士都要拍咭,咁,收費就會按距離而收費,換言之,會平尐﹗我地買OV CARD多少係為左哩個原因。 不過我有搵過巴士公司既官網比較過,https://www.ovregioijsselmond.nl/所顯示既車費價錢,同實際沿途用OV CARD所付既車資,似乎並無差異,所以,用OV CARD搭巴士會平尐既說法唔成立﹗ 另一個買OV CARD既原因,係今次既行程,除左火車仲一定會需要搭巴士,上落巴士最怕就係搵零錢,諗住買左會方便﹗去完之後,發現巴士上面司機叔叔係可以找贖的,唔使驚唔夠零錢而做成不便﹗亦有見過有台灣人上車先用信用咭付款,我又唔覺佢要按任何密碼,所以即使無OV CARD,似乎都方便﹗ OV CARD既官網- https://www.ov-chipkaart.nl/purchase-an-ov-chipkaart/anonymous-ov-chipkaart.htm 係官網唔覺佢有提及任何優惠 係官網,並唔覺佢有提及任何乘車優惠,不過就有個好處,就係可以係同一個站出入可以免費﹗資料話20分鐘內同一個站出入就唔使收費,假如你係國鐵(NS)站出入,時限仲係60分鐘添﹗好處係咩﹖就係,假如你只係想去啲細站行下影下,只要你係60分鐘內返到入閘,就唔使比多程車錢﹗ 同樣係由鹿特丹去阿姆斯特丹,點解車程會有所分別哩﹗﹖ 好似好長氣咁添,都要係開多篇﹗