MARTHAL係鹿特丹其中一個標誌性既建築物,其實佢係一個市場 由比利時返港已經兩個星期,但個人都依然不在狀態,身體不適係一個理由,但亦係一個借口。 個種,活著很無聊既感覺隆隆咁包圍住,雖未至於唔想做人,但起碼係唔想活動,莫講話遊記,連不到一個月後既考試都完全無意圖去溫習,魂魄好似漏左係比利時咁﹗﹗ 想迫自己做啲野,不如先由住宿篇寫起﹗﹗雖然之前都有寫過,但都交待一下資料先,今次既旅程,係4月21號凌晨由香港搭乘國泰航空直飛比利布魯塞爾(BRUSSELS)機場,然後5月5號中午1點係返布魯塞爾機場搭機返香港﹗﹗布魯塞爾機場係國泰今年新開既直航,所以係優惠票價(連稅港幣4千7 )﹗﹗ 到達比利時布魯塞爾機場係4月21號清晨7點左右﹗﹗我地既行程係玩完荷蘭,中途停盧森堡先再返比利時,所以到埗當日就直接係布魯塞爾機場搭火車過鹿特丹(ROTTERDAM),中間雖然有啲阻滯(之前係 雜記一有粗略提過,詳情遲尐再講),總算都係中午十二點到達鹿特丹中央車站,唔算對行程有好多影響﹗﹗ 係鹿特丹我地只留一晚,基本係想睇下傳說中鹿特丹既獨特建築物,同埋希望可以去到附近既DELFT(台夫特)同THE HAGUE(海牙),同埋第二日過去KINDERDIJK(小孩堤防),要方便移動,住宿當然係越近中央車站越好啦﹗﹗ 月台編排係以市中心為起始,所以月台編號越細就一定係市中心方向 一離開車站就有清楚既指示牌,但去酒店唔使睇哩個,向左手邊行兩個街口就到了 哩個係鹿特丹中央車站既面面,亦係標誌性建築物之一 離開中央車站靠左手邊就會見到哩座大廈,然後一直向前走兩個街口就會到酒店 沿路會見到UNILEVER既DISPLAY,再繼續向前行,過多次馬路就會見到酒店既入口處 酒店既入口處 接待處係1樓 接待處旁就係餐廳,早餐都會係度食 仲有個BUSINESS CORNER可以係度用電腦,或稍作休息 店間都算寬敞 點擊圖片放大 浴室雖然無牙刷牙膏,但就話可免費提供比客人 房間都係基本既茶同咖啡 荷蘭既住宿普遍都貴,而且我地到訪期間,可能係撞啱KING'S DAY,住宿更加緊張,哩間EXPRESS都要EURO133一晚(含早餐同CITY TAX),尚好,地點方便,房間都算簡潔舒適,比起跟住我地係阿姆斯特丹所住既IBIS,已經算大,最起碼都叫做有茶包咖啡同熱水壼(用唔用一件事,起碼叫有吖嘛﹗) 浴室亦感覺良好,雖然一般歐洲酒店都唔會提供牙膏牙刷,但哩間就寫明話,如有需要可免費向前索取,都幾好吖,佢既早餐時間仲超長,去到11.30,雖然都趕行程唔會慢慢坐,但時間長尐,感覺都好尐﹗﹗ 早餐供應都11點半,好慷慨耶 自助早餐都好豐富,座位都夠 自助早餐選擇都算多,咖啡仲可以外賣帶走 我地食完早餐就出發去小孩堤防,行履寄存係酒店,玩完先返泥拎,再搭火車過AMSTERDAM(阿姆斯特丹),職員全部都好友善好客,超讚﹗﹗ KINDERDIJK - 小孩堤防