尋日終於都泥到荷蘭最南既城市 - MAASTRICHT（馬斯垂克），今日要準備過盧森堡，姐係要跨三個國家既國境 - 由荷蘭經比利時到達盧森堡。 馬斯垂克無直接火車過盧森堡，點都要先由馬斯垂克搭一程火車過最近既比利時城市LIEGE，然後再係LIEGE搭直通車過LUXEMBOURG, GARE CENTRALE。 聞名既教堂書店 馬斯垂克既夜景，手機相，未得閒LOAD相機 到地當日係布魯塞爾機場買車票時已經確認左，假如埋服務台買跨國車票，要另收EURO 5手續費，當時服務員有清楚提我地，可以出去票機買。當時我地要買RAIL PASS（比利時境內火車優惠券），機場出市區既費用（DIABOLO FEE），抱著明知會貴尐既心態，於是就情願比多幾歐一次過搞掂﹗﹗ 到地時係機場買ESSEN - ROTTERDAM既車票，因為係服務台買，要多數5歐 既然已經預先知道，今次再要買跨國車票就梗係唔會再埋服務台買啦﹗﹗不過就衍生左另一個問題，唔似德國/瑞士等地，哩度既自動車票機全部（係全部）只收信用咭，咁點搞哩﹖之前係其他國家既經驗，假如無服務員而又要用信用咭交易，佢一定會要求你輸入一組4個字既PIN CODE，我地試0000，1111，8888之類之類都唔得（同一張咭只可以試三次，要不就麻煩了﹗）。 每次出發前都會試下打去信用咭公司，問下有無人知哩個PIN CODE係咩﹖但直到今次出發前再打去獅子銀行同阿爺銀行，CS都係答，無架喎，香港信用咭無，獅子銀行個位小姐仲得意，佢答我，你有無上網睇過其他人點用呀﹖咁我以後上網問咪得囉，唔使要CS啦﹗ 之不過，佢咁樣講又錯唔得哂既，皆因，網上真係有答案﹗我見有人話用返信用咭個組櫃員機密碼就可以了﹗﹗老實講，平時係唔會拎張信用咭埋櫃員機既，所以用左咁多年信用咭都無企圖去記佢個密碼，既然有人咁講，於是出發前就搵返個密碼出泥試下﹗﹗ 係火車站會有票機，但留恴左上角，哩部唔係荷蘭國鐵既票機，而係比利時國鐵既系統，揀好英文 票機一般DEFAULT由所在地出發，亦會顯示最經常要去既站名 揀啱日子同數量就可以 尋日到達馬斯垂克車站，見時間許可，於是又先埋票機試下﹗老實講，行程進行左8日，一直都無過票機，係荷蘭境內一直都係用OV CARD（理由遲尐再講），今次係第一次埋票機﹗其實操作同歐洲其他國家一樣，揀好語言，票機一般都會預計所在地為出發地，唔啱先再改，然後亦會顯示最經常會去既地方，無先再按鍵盆輸入，最緊張係最尾個個付款過程，結果。。。 雖然佢要求既PIN CODE係4個位，但我就照入左6個位既信用咭密碼﹗ 終於成功用信用咭買到車票 原來真係得架﹗﹗咁就好啦﹗﹗其實最煩係試過係外地自駕，由郊區要入油，但油站靜過太空，假如你入唔到個組PIN CODE，你就唔使指意入到油﹗對上一次好彩剛好有其他車輛經過，我地比現金叫人幫我地用信用咭付款咋﹗﹗ 好，搞掂左信用咭付款既問題，又計下數，到底我地買個張RAIL PASS抵唔抵用先，由馬斯垂克過LIEGEO個程車點都要分開搭，唔計﹗﹗咁由LIEGE過LUXEMBOURG個程車哩﹖﹖我地用RAIL PASS，由LIEGE到ARLON（最近盧森堡既比利時城市）只扣一格，承惠7.7歐，然後ARLON過盧森堡個程（已預先係網上買），承恵10.5歐﹗姐係共計：18.3歐﹗﹗ 假如買LIEGE到LUXEMBOURG既車票哩﹖﹖33歐，姐係大概慳左15歐，但依然係可以坐同一種直通車，中途唔使落車唔使轉車﹗﹗抵呀﹗返到香港，有時間先慢慢再整理同解釋﹗﹗
